Расположен на северо-западе Республики Татарстан, граничит с Арским и Высокогорским районами РТ и Моркинским районом Республики Марий Эл. Территория района составляет 681,4 кв.км. Население района составляет 13295 человек.
Авылда иң өлкәне, иң ихтирамлысы, мөлаем һәм "ак әби" ул безнең өчен. Гөлбикә әбине котларга балалары, оныклары, якыннары, туганнары, күршеләре, Күлле Киме ветераннар советы рәисе Сабирова Саимә Әхәт кызы, җирле үзидәрә сәркатибе Садыйкова Ясминә Әдһәм кызы һәм Күлле Киме авыл җирлеге рәисе Гәрәев Хәмит Хәйдәр улы да килгән иде. Кунакларыбыз Гөлбикә әбине туган көне белән котлап, үзләренең иң изге теләкләрен җиткерделәр... Без дә аны туган көне белән котлыйбыз. Нык сәламәтлек, аяз күк йөзе, балаларының, оныкларының, оныкчыкларының игелеген күреп, Ходай биргән гомерне яшәвен телибез.
Әтнә районы Олы Мәңгәр авылы элек- электән үзенең укымышлы, зыялы халкы белән дан тоткан. Исеме еракларга таралган Олы Мәңгәр мәктәбен тәмамлап чыгучылар арасында да исемнәре тарих битләренә язылып калган искиткеч шәхесләр байтак. Олы Мәңгәр авылында туып үскән, вертолетчы һөнәрен үзләштереп, хезмәт юлын төрле илләрдә дәвам иткән, бүгенге көндә Алма-Ата шәһәрендә яшәүче якташыбыз Закир улы - очрашуның төп кунагы иде. Авылдашыбызның әле күптән түгел генә "Очыш биеклеге" дип исемләнгән китабы дөнья күрде. Очрашуның төп сәбәбе дә әнә шул китапны мәктәп укучыларына тәк ъдир итү булды.
Тумышы белән Әтнә районы Түбән Бәрәскә авылыннан ул. Шунда туган, белем алган. Яшьлек еллары да шушы авыл белән бәйле. Комсомол кушуы буенча китеп Сабада һөнәри белем алуга ирешкән. Аннары шул ук туган авылында бухгалтер булып эшләгән. Гомерлек яры итеп сайлаган Гомәр абыйны да шушында очраткан. Кечкенәдән ятим калган егет Бәрәскәдә яшәүче туганнарында еш кунак булган. Шунда танышканнар, кавышканнар яшьләр. Әнә шулай итеп 1947 елда яңа гаилә барлыкка килгән. Гаилә күрке – балалар. Алары да озак көттермәгән. Бер – бер артлы биш балалары туган. Арадан берсенең генә гомере кыска булган.
Олы Бәрәзә авылында гомер итүче Хаҗирә әби Гайнуллина 90 яшьлек юбилеен билгеләп узды. Хаҗирә әбине күргәч, аңа түгел, безгә ул 90 яшь, дип куйдым эчтән генә. Һәрвакыт нидән дә булса риза түгелбез, гел нидер җитми. Ашыгабыз, чабабаыз, уфтанабыз. Ә Хаҗирә әбекәй бүгенге мул тормышка шатланып, шөкер итеп гомер кичерә.
Бүген – Бөтендөнья музейлар көне. Бәйрәм алдыннан гына Олы Әтнә мәктәбе музее Татарстан Республикасы хөкүмәтенең Премьер-министр Энгель Фәттахов имзалаган махсус дипломына лаек булды. Укытучы Ирек Илсур улы Дәминов җитәкләгән музей “Лучший школьный музей Республики Татарстан” номинациясендә җиңеп чыкты. Мәктәп музее Муса Җәлил исемендәге опера һәм балет театрында Татарстан Президентының Бөек Ватан сугышы ветераннары һәм тыл хезмәтчәннәре белән очрашуында катнашып кайтты.
Кышлау авылында яшәүче Мансура Каюм кызы Фәйзрахманова бу көннәрдә олуг юбилеен билгеләп үтте. Аңа 95 яшь тулды. Әбекәй улы Җәүдәт, килене Мәдинә тәрбиясендә гомер кичерә. Тумышы белән Мансура әби Иске Өҗем авылыннан . Кышлауның атаклы көрәшчеләр нәселенә килен булып төшкән көненә дә байтак вакыт үткән инде.
Әтнә районы Бәрәскә авылында яшәүче Бөек Ватан сугышы ветераны Равил Ярулла улы Яруллинга 90 яшь тулды. Түбән Бәрәскә авыл җирлегендә яшәүче өч ветеранның берсе ул. Әнисе белән бергә 1942 нче елда әтисен сугышка озатып кала ул. Калинин фронтында сугышкан әтисенә исән-сау кайту насыйп булмый. – Мин әтидән бәхетлерәк булдым, 7 ел сугышта йөрсәм дә, туган җиргә кайта алдым, гаиләм белән тигез яшәдем. 90 яшемне күрдем, балаларыма рәхмәт, сабый бала урынына тәрбиялиләр. Җитәкчеләр дә гел хәлемне белеп, олылап киләләр...– дип, олы рәхмәтен җиткерде ул олы юбилее белән котларга килгән җитәкчеләргә.
Бөек Ватан сугышы ветераны Мөршидә Бәдигова 90 яшьлек юбилеен билгеләп үтте. Мөршидә Гарифҗан кызы Бәдигова (Зарипова) 1925 нче елның 14 ноябрендә Мәскәү өлкәсе Подольск шәһәрендә Хәдичә һәм Гарифҗан Зариповларның беренче балалары булып дөньяга килә. Озак та үтми, сугышка чакыру кәгазе килә. 50-ләп кызны баржага төяп, Горький шәһәренә җибәрәләр. Монда 4 ай чамасы радиотелефонисткага укыталар аларны. Аннан, II Белоруссия фронты составында, Рокоссовский җитәкчелегендә Белоруссия, Польша җирләрен, Кенингсбергны азат итүдә катнаша ул.
Әтнә районы Төрекләр авылында яшәүче Мөршидә апа Зарипова 13 ноябрь көнне 90 яшен каршылады. Аны олы бәйрәме белән район башкарма комитеты җитәкчесе урынбасары Наил Сибгатов, ветераннар советы рәисе Мингазиз Зиннәтов, “Шахтер” җаваплылыгы чикләнгән җәмгыяте директоры Әнәс Хәкимов, Комыргуҗа авыл җирлеге башлыгы Әхтәм Зиннәтуллин, җирле ветераннар советы җитәкчесе Гөлсинә Мөхәммәтҗанова котлады. Бәйрәм уңаеннан туган нигезгә юбилярның балалары җыелган. Әбекәйнең 12 оныгы һәм шулкадәр үк оныкчыгы да бар.
Олы Бәрәзә авылында туып үсеп, шунда хезмәт куйган, бүгенге көндә төпчек кызы Гөлсәрия тәрбиясендә Бәрәскә авылында гомер кичерүче Мөнәвәрә әби Бикмуллинага 90 яшь тулды. Гомерен туган колхозына хезмәткә багышлаган Мөнәвәрә әби заманында яшьтәшләре белән бергә башлангыч белем алырга да өлгермәгән. " Бар тормышым эштә үтте, урман да кистек, окоп та казыдык, чана белән атларга ризык та ташыдык,-ди ул. Шул газаплар бар сәламәтлекне алды. Ашарга юк, кияргә юк, өйгә чабата тишелгәч кенә кайта идек". Бүгенге көненән бик канәгать Мөнәвәрә апа. "Балаларыма бик рәхмәтлемен.
