Яңалыклар

Талибетдин Авзалутдин улы 1926 елның 21 мартында Әлмәт районы Кама-Исмәгыйль авылында крестьян гаиләсендә дөньяга килгән. Аның яшьлеге сугыш елларына туры килә: 1943 елның ноябрендә, 17 яшендә, ул фронтка китә. Бөек Ватан сугышының авыр юлларын үтеп, 1945 елга кадәр Ватан алдындагы бурычын намус белән үти. Сугыштан соң Талибетдин Авзалутдин улы үз гомерен хезмәткә багышлый. 1955 елдан 1981 елга кадәр ул «Әлмәтнефть» НГДУсында эшли. Тракторчы һәм ЦКППН-1 цехында технологик насослар машинисты булып, нефть сәнәгате үсешенә зур өлеш кертә.

Күптән түгел Елховой авылы тарихы музеенда 1971 елда Елховой урта мәктәбен тәмамлаган укучыларның очрашуы узды. Мәктәп елларын искә алып, алар үзләренә белем һәм тәрбия биргән укытучылары турында җылы хатирәләр белән уртаклаштылар. Шуларның берсе — русс теле һәм литература укытучысы, Бөек Ватан сугышы ветераны Вәлиев Гариф Сафа улы. Гариф Сафа улы 1911 елда Уральск шәһәрендә туа. Бөек Ватан сугышы башланганчы, юллама белән Әлмәт районының Елховой җидееллык мәктәбенә русс теле һәм литература укытучысы булып эшкә килә.

Габделкотдус Сибгатулла улы 1909 елның 26 декабрендә Әлмәт районы Югары Мактама авылында крестьян гаиләсендә дөньяга килгән. Хезмәт сөючән гаиләдә тәрбияләнгән егет яшьтән үк «Урняк» колхозында намуслы хезмәт юлын башлый. Бөек Ватан сугышы башлангач, ул илебезне сакларга күтәрелә. 1941–1942 елларда рядовой укчы буларак, Мәскәүне саклау сугышларында катнаша, фашизмга каршы көрәштә батырлык үрнәкләре күрсәтә.

П.П. Хузангай музее хезмәткәрләре Ленинград блокадасы башлануга 85 ел тулу уңаеннан «Ленинград минем йөрәгемдә...» дигән чара үткәрделәр. Чара барышында укучыларга блокададагы Ленинград балалары, ленинградлыларның ачлык һәм мохтаҗлыклары, халыкның ныклыгы һәм Җиңүгә тирән ышанычы турында сөйләделәр. Әлеге чараның максаты-балаларда патриотизм, аяусыз сугышта җиңгән халкыбыз өчен горурлык хисе тәрбияләү.