Чабаксар хакимияте пресс-хезмәте хәбәр итүенчә, бу шәһәрдә яшәүче якташыбыз Муллахаҗи Закировка тиздән 101 яшь тула. Аның белән абыйсының кызы – Әлфия ханым Закирова-Галиәхмәтова һәм бертуганының оныгы Рәфыйк улы Рәис аша таныштык.
Миңниса Мифтах кызы Сабирова үзенең һөнәри эшчәнлеген хисапчы булыпбашлый. Әмма тормыш үз төзәтмәләрен кертә: 1943 елда, нибары 18 яшендә, ул фронтка алына. 1945 елның маенда көтеп алынган Җиңү вакытында Миңниса Мифтах кызына 20 яшь тула. Сугыш тәмамланганнан соң ул өенә кайта, бухгалтерлык курсларын тәмамлап белем ала һәм күп еллар бухгалтер һәм ревизор булып эшли.
Безнен бабай Мохибулла 1919 елда Элмэт районы Тубэн Абдул авылында дэньяга килэ. Аз сузле, тыйнак, бик талантлы ир-егет булган ул: искиткеч монлы итеп жырлаган рэсем ясаган, балта остасы булган.Тирэ-якка бер аучы дип тэ ишеткэнем бар.Аучылыгынын сэбэбен мин сонрак анладым-бабам Боек Ватан сугышында разведчик булган икэн бит.
1941 елда алынган, II каваллерия дивизиясенең 253 нче Морозов исемендәге каваллерия полкында хезмәт иткән, гвардия сержанты, орудие командиры 1945 елда кайткан. I һәм II дәрәҗә Ватан сугышы ордены белән бүләкләнгән. 1945 елдан лаеклы ялга чыкканчы “Ярыш” колхозында бригадир булып эшләгән. 1998 елда вафат булган.
Габдулла Тукай исемендәге Әтнә авыл хуҗалыгы техникумында Бөек Җиңүнең 80 еллыгы уңаеннан үзенчәлекле күргәзмә оештырганнар. Ул “Чемодандагы музей” дип атала. Күргәзмәдә Бөек Ватан сугышы чорына кагылышлы экспонатлар һәм студентлар, укытучылар, хезмәткәрләрнең ветеран бабай-әбиләре фотолары урын алган.
Бөек Ватан сугышында фашист илбасарларын тар-мар итеп, Бөек Җиңү яулау көне уңаеннан Казак Уртәме авылында һәлак булган батырлар хөрмәтенә обелиск ачылды. Авылдашлары хөрмәтен олылап килгән халык шактый иде. Бик куркәм, матур обелиск булган. Монда сугышка авылдан чыгып китеп һәлак булучылар, хәбәрсез югалучылардан тыш, Бөек Ватан сугышыннан әйләнеп кайтучылар исемлеге дә куелган.
«Бердәм Россия Яшь гвардиясе» нең Әтнә җирлеге бүлеге җитәкчесе тыл ветераннарын Бөек Җиңү бәйрәме белән котлады. Ветераннарыбызга сәламәтлек, иминлек теләде һәм истәлекле бүләкләр тапшырды. Бәйрәм көнне мондый очрашулар аеруча мөһим, чөнки бу очрашулар коточкыч авырлыклар һәм югалтулар кичергән буынга яшьләрнең тирән рәхмәтләрен белдерергә мөмкинлек бирә.
Бөек Җиңүнең 80 еллыгы уңаеннан Чембулат авылында бәйрәм чарасы узды. Әлеге чарада Ватанны саклап төрле яуларда һәлак булган, бүген дә изге бурычын үтәп шәһит киткән авылдашларны, райондашларны искә алып, хәзрәт алар рухына Коръән укыды. Бу бәйрәм яшь буынга тарихи хәтерне саклауның әһәмияте зурлыгын ассызыкланды. Дөньяларыбыз имин-тыныч булсын.
Әтнә туган якны өйрәнү музее һәм аның ике филиалы - Шиһабетдин Мәрҗани, Сибгат Хәким музейлары “Сугыш чоры ядкарьләре” дип исемләнгән кургәзмә тәкъдим иттеләр. Әлеге кургәзмәгә сугыш чорындагы экспонатлар тупланган: граната, пуля белән тишелгән каска, летчик сумкасы, солдат котелогы һәм фляжкасы, өчпочмаклы хатлар, кул сәгате, портсигар һ.б.. Әтнә узәк китапханәсе "Дәһшәтле еллар кайтавазы" дип аталган китап кургәзмәсен оештырган. Кургәзмәгә Бөек Ватан сугышы турында китаплар тупланган. Әтнә сәнгать мәктәбе "Хәтер чәчәкләре"н ясау буенча мастер-класс оештырган
Бөек Җиңүнең 80 еллыгына багышланган үзәк мәйдандагы чаралар Россия Федерациясе һәм Татарстан Республикасы гимнарын балалар башкаруы белән башланып китте.
