Бөек Ватан сугышы елларында авыл медицинасы халык өчен санап бетерә алмаслык зур ярдәм күрсәткән.Алар арасында фельдшер – акушерлар һәм шәфкать туташлары була. Ачлы – туклы халыкны үлем тырнагыннан алып калганда, фельдшер – акушерларга хаттә тәҗрибәле табибләр ролен дә башкарырга туры килгән вакытлар булган. Ә авылның баш врачы Гурьев Селантий Васил улы, ул чорда, үз теләге белән Бөек Ватан сугышына чыгып китә.
Ел саен район үзәк хастаханәсе терапевты тыл хезмәтчәннәрен өйләренә барып тикшерә. Дөрес, ел дәвамында диспансер күзәтүе астында торганнары авырулары буенча аерым тикшерү узалар. Гадәттә, февраль-март айларында өйләрендә үк кан анализлары да алына. Күлле Кимедә яшәүче тыл хезмәтчәне Рәисә апа Кушаевага ЭКГ үткәрелде. - Сәламәтлек – зур байлык инде ул. Шөкер, вакытында килеп карыйлар. Югыйсә, үзем больницага чыгып китәргә кыенсынам да, - ди 93 яшьлек тыл хезмәтчәне.
Бөек Ватан сугышында катнашкан, авыр тыл хезмәтен үз җилкәсендә татыган ветераннарыбызның саны елдан-ел кими бара. Ташчишмә авылында да алар нибары икәү генә калды. Ул елларның авырлыкларын үз җилкәсендә татыган тыл ветераннары Хатирә апа Гарипованы, Борхан абый Сабировны Бөек Җиңүнең 80 еллыгы белән искә алдык. Илләребез тыныч, күкләребез аяз булсын, саулык-сәләмәтлек, озын гомер телибез. Алар моңа лаек. Аларның рухи ныклыгы, түземлелеге Бөек Җиңү китерде.
Иске Өҗем төп мәктәбендә Ташчишмә авылы китапханәсе белән берлектә сугыш чоры балалары белән очрашу үткәрелде. Алар сабый чакта ук ятим калган, “әти” сүзен әйтергә тилмереп яшәгәннәр. Бәхетле балачакларын сугыш урлаган аларның. Бик яшь килеш коточкыч сугышның ачы хәсрәтен үз җилкәләрендә татыган сабыр йөрәклеләр алар. Кайберләре әтиләрен бер күргәндер. Кайберләре, кечкенә булу сәбәпле, атасының йөзен дә хәтерләми. Алар ана назын да бик аз татыган, чөнки бөтен тормыш йөге тылдагы хатын-кызлар җилкәсендә булган. Алар бүген дә көчле рухлы, күтәренке кәефле.
Әлмәттә Бөек Ватан сугышында катнашучыларның йортларындагы исем такталары яңартылды. Фасадларда өстәмә юл барлыкка килде: "Әлмәт районының Мактаулы гражданины". Яңа табличкалар Людмила Березова, Николай Федотов, Миңниса Сабирова һәм Анатолий Соколов йортларын бизиләр инде.
9 апрельдә Әлмәт районында Бөек Ватан сугышы геройларын искә алу һәм авыл халкына бәйрәм кәефе бүләк итү максатыннан оештырылган «Җиңү мае» масштаблы акциясенә старт бирелде. Беренче чара Кичү авылы мәдәният йортында узды. Акция кысаларында, 9 апрельдән 25 апрельгә кадәр, фронт концерт бригадалары авыл мәдәният йортларына бара, анда бәйрәм концертлары һәм кызыклы мастер-класслар оештыра.
Әлмәт татар дәүләт драма театрында Бөек Җиңүнең 80 еллыгына багышлап, Халык язучысы Мәхәммәт Мәһдиевнең «Кеше китә - җыры кала» әсәренә нигезләнеп төшерелгән телесериалның презентациясе булды. Фильмны Әлмәттә күрсәтелүнең җитди сәбәбе - төп рольләрдә безнең театр артисты Ләйсән Әхмәдиева һәм Татарстанның атказанган артисты Илсур Хәертдинов уйный. Алардан тыш, безнекеләр катнаша. Әлеге фильм – ул безнең тарихыбыз. Аны сөйләп кенә булмый, карарга кирәк.
1945 елның 9 апрелендә 3 нче Белоруссия фронтының героик гаскәрләре Көнчыгыш Пруссиядәге нацистларның соңгы форпостын-Кенигсберг шәһәр - ныгытмасын азат итә. Авыр һәм канкойгыч сугышларда, күп еллар буе ныгытмалар коруга һәм төрле мәкерләргә карамастан, Совет сугышчылары гитлерчыларны шәһәрдән куып чыгаралар. Моның белән бәйле рәвештә СССРның Югары Башкомандующие Иосиф Виссарионович Сталин тиешле боерыкка кул куя.
3 нче Белоруссия фронты гаскәрләре 1945 елның 6 апрелендә Кенигсберг һөҗүм операциясен башлыйлар, аның төп максаты дошман группировкасын юк итү һәм Кенигсберг шәһәр-крепостен алу була. Бу зур шәһәрне алу-Бөек Ватан сугышы тарихында иң якты битләрнең берсе. Кызыл Армия гаскәрләре алдында немецларның берничә оборона линиясен, фортларын, дотларын һәм дзотларын, өстәвенә җир асты складларын һәм арсеналларын яулап алу бурычы тора иде. Маршал А.Василевскийның нияте төньяктан һәм көньяктан көчле ударлар белән дошман көчләрен тар-мар итү һәм штурм белән шәһәрне алу иде.
Үткәннәрне искә алып, Вәгыйзь абый әнә шулай дип өзгәләнә иде.
