«Сталин Кенигсбергны штурмлауда катнашкан гаскәрләргә рәхмәт белдерде»

1945 елның 9 апрелендә 3 нче Белоруссия фронтының героик гаскәрләре Көнчыгыш Пруссиядәге нацистларның соңгы форпостын-Кенигсберг шәһәр - ныгытмасын азат итә. Авыр һәм канкойгыч сугышларда, күп еллар буе ныгытмалар коруга һәм төрле мәкерләргә карамастан, Совет сугышчылары гитлерчыларны шәһәрдән куып чыгаралар. Моның белән бәйле рәвештә СССРның Югары Башкомандующие Иосиф Виссарионович Сталин тиешле боерыкка кул куя. Кызыл совет байрагы шәһәр өстендә күтәрелүгә, Сталин барлык батырлык күрсәткән сугышчыларны һәм командирларны бүләкләргә, «Кенигсбергскийлар» атамаларын бирергә, шулай ук орденнарны тапшырырга боера. Көнчыгыш Пруссиядәге данлы
Җиңү хөрмәтенә шулай ук Мәскәүдә геройларга 324 орудиедан 24 залп белән салют атырга приказ бирелә. Елховой авылыннан (Беренчемай районы) фронтка киткән ир-егетләребездә шушы штурымда катнашалар.Шулар арасында Гамиров Ибрагим, Вилданов Агзам. Алар рәхмәт хаты, «Кенигсбергны алу өчен» медальләре белән бүләкләнәләр.

Төзеде: Х.Әхмәтшин исемендәге Елховой авылы тарихы музее.