Яңалыклар

5 майдан 8 майга кадәр Әлмәттә Бөек Җиңүнең 80 еллыгын бәйрәм итүгә генераль репетицияләр узачак. Быел Җиңү Парадында 1200дән артык кеше катнашачак – хәрби хәрәкәтләр ветераннары, махсус хәрби операциядә катнашучылар, гадәттән тыш хәлләр министрлыгы хезмәткәрләре, яшь армиячеләр, югары уку йортларында, СУЗ һәм шәһәр мәктәпләрендә укучылар. 9 майда барлык әлмәтлеләрне һәм шәһәр кунакларын Ленин мәйданында көтәләр

Җиңүнең 80 еллыгы алдыннан Әлмәт районында Бөек Ватан сугышы ветераннарына бүләкләр тапшыру башланды. 450дән артык ветеран ТР рәисе Рөстәм Миңнехановтан, район башкарма комитеты җитәкчесе Гүзәл Хәбетдиновадан, депутатлардан һәм оешмалардан котлаулар һәм истәлекле бүләкләр алачак. Шулай ук ветераннарга Россия Президенты Владимир Путиннан котлау хатлары тапшырылачак. Тантаналы тапшырулар җылы атмосферада уза. Администрация, социаль хезмәтләр вәкилләре һәм волонтерлар һәр ветеранның өенә барып, бүләкләр тапшырачаклар

Совет матбугаты көне-массакүләм мәгълүмат чаралары хезмәткәрләренең һөнәри бәйрәме, ул СССРда беренче тапкыр 5 майда билгеләп үтелде. Датаны 1912 елда «Правда» газетасының беренче саны чыгу уңаеннан сайлаганнар. Бөек Ватан сугышы елларында Совет матбугаты халык массаларын дошманга каршы көрәшкә туплауда мөһим роль уйный. Совет Армиясенең фашист Германия гаскәрләренә каршы сугыш хәрәкәтләренә төрле мәгълүмати хәбәрләр, корреспонденцияләр, мәкаләләр багышлаган.

Ел саен 5 майда үзенең һөнәри бәйрәмен — шифрлаучы көнен — Россиянең криптография хезмәте билгеләп үтә. Шифрлаучылар бәйрәмен оештыру өчен ,1921 елның 5 маенда, РСФСР Халык Комиссарлары Советы карары нигезендә, мәгълүматны яклау һәм мәгълүматларны чит илләргә тапшыру өчен криптография хезмәте оештырылу белән бәйле рәвештә сайланган.