Югары Байлар авлында яшәгән Әхмәтшин Мөбарәкша Әхмәтша улы Бөек Ватан сугышы башлануның беренче көннәреннән ук фронтка китә. Хатыны Әбделниса берсеннән-берсе нәни ике бала белән ярым-җимерек йортта, кайгы-хәсрзт дәрьясына кереп бата Ул вакыттагы авырлыкларга солдат хатыннары сугыш тәмамланыр, ирләребез кайтыр, тормышларыбыз җайланыр дип өмет итә. Каhәрле сугыш китергән кара кайгы Әбделниса апаны да читләтеп үтми.
Әхмәтшин Нигматҗан Әхмәтша улы 1916 елда Сарман районы Кутәмәле авылында туа. 1939 елда Кызыл Армия сафларына алына.Боек Ватан сугышы башлангач, 1941-1945 елларда сержант дәрәҗәсендә 82мм, 120мм-лы миномет отделениесы командиры булып хезмәт итә. Өч мәртәбә яралана, бер мәртәбә контузия ала. Волхов фронтында булдым, дип сойләве истә калган. Япония белән булган сугышта да катнашырга туры килә. Хәрби батырлыклары өчен Ватан сугышы ордены һәм бик куп торле медальләр белән бүләкләнә.
Әхмәтшин Харис Нәҗип улы 1926 елда Казан губернасының Спас өязе Бибай Чаллысы авылында (хәзер ТР Әлки районы) туган. Бөек Ватан сугышы ветераны. 1943 елда ТАССРның Әлки район хәрби комиссариатыннан алына. 1968 елда вафат.
Әхмәтшин Әхлиулла Хәйрулла улы1918 елда Беренчемай районы, Түбән Абдул авылында туа. Елховой җидееллык мәктәбен тәмамлагач, чистай техникумына укырга керә.Әхлиулла Хәйрулла улы 1941 нче елгы Бөек Ватан сугышы башлангач үз теләге белән Ватанны якларга алына. Телләрне яхшы белүе аңа ярдәм итә, ул сугышта тәрҗемәче була.
1923 елның 17 декабрендә Иске Байсарда туа, шунда яши. II группа хезмәт инвалиды. Минзәлә фельдшер-акушерлык училищесын 1940 елда тәмамланган кызны сугыш башланганның икенче көнендә -1941 елның 23 июнендә армияга алалр. Казандагы хәрби кыр хастаханәсендә өлкән шәфкать туташы, комсорг була.1945 елның 15 декабрендә хәрби хезмәттән азат ителә. "1941-1945 елдагы Бөек Ватан сугышында Германияне җиңгән өчен", соңыннан юбилей медальләре белән бүләкләнә. Хәрби хастаханә җитәкчелегененң рәхмәтләрен ала. Участок хәстаханәдә өлкән шәфкать туташы булып эшли, 1977 елның декабреннән лаеклы ялга чыга.
Әхмәтҗанов Габдулла Әхмәтҗан улы 1919 елда Казан губернасының Спас өязе Иске Камка авылында (хәзер ТР Әлки районы) туган. Бөек Ватан сугышы ветераны. 1985 елда вафат.
Идрис Срортдин улы 1925 елның 27 декабрендә ТАССРның Әлмәт районы Колшәрип авылында татар крестьян гаиләсендә туган. Бөек Ватан сугышы елларын да Курск сугышында катнашкан. Курск дугасындагы сугыш совет гаскәрләренең ныклыгы һәм каһарманлыгы символына әверелде. Идрис Әхмәтҗанов бу тарихның бер өлеше иде. Курск сугышыннансоң ул авыр сугыш кырларында, Днепрны кичкәндә сугышкан. Ул вакытта совет солдатларының батырлыгы һәм кыюлыгы бу операциянең уңышын тәэмин итәргә ярдәм итте. Бу Кызыл Армиягә Европаның эчке районнарына һөҗүмне дәвам итәргә мөмкинлек бирә.
Әхмәтҗанов Насыбулла Шакир улы Казан губернасының Спас өязе Аппак авылында (хәзер ТР Әлки районы) туган. Бөек Ватан сугышы ветераны. 1943 елда ТАССРның Кузнечиха район хәрби комиссариатыннан алына.
Ахметзянов Нәҗип Әхмәтҗан улы 1917 елның 6 октябрендә Сарман районы Юлтимер авылында урта хәлле гаиләдә туган. 1939 елда армия сафларына алына. Польша границасы янында, Трогобище районында хезмәт итә. Сугышка беренче көннән үк керә. Днепрга хәтле зур югалтуларга дучар булып чигенәләр. Полтава өлкәсенә кайталар. Полкны оформить итеп пушка тарттырып йөрергә җибәрәләр. Беренче мәртәбә Кременчук янында 8 сентябрьдә яралана. 1 ай госпитальдә дәваланнан соң яңадан сугышка керә.
Әхмәтҗанов Рәшит 1925 елда Иске Кәшер авылында туган. Бөек Ватан сугышы башлангач гади солдат булып сугышка китә. 1944 елда 2 нче Белоруссия фронтының 1737 полкында, 1945 елда Белоруссия фронтының 1212 полкында хезмәт иткән. Сугыш елларында күрсәткән батырлыклары өчен “Батырлык өчен”, “Германияне җиңгән өчен” медальләре белән бүләкләнә.
