Труженики тыла

Валиева Әминә Сафиулла кызы 1930 елның 8 сентябрендәУльянов өлкәсе Карсунский районыУразовка авылында туган. 1950 елларда Ташкентның тимер юлларында эшләгән. 1957 елда Валиев Ягъфәр Газимҗан улына кияүгә чыга, аның белән 4 бала тәрбияләп үстерәләр, икесе дә колхозда эшләгән. Бүгенгесе көндә Кама – Исмәгыйль авылында яши. “50 лет Победы в Великой Отечественной войне 1941-1945 г.г.” “55 лет Победы в Великой Отечественной войне 1941-1945 г.г.” “60 лет Победы в Великой Отечественной войне 1941-1945 г.г.”

1926 елның 24 апрелендә Саба районы Язлы Арташ авылында гади колхозчылар Билал белән Җәмилә гаиләсендә иң өлкән бала булып дөньяга килгән. Гаиләдә алар җиде бала булганнар: Мәдинә,Хәзимә, Фәрит, Рәис, Гөлнәзирә, Мөдәрис. Аның балачак еллары туган авылында уза. Бөек Ватан сугышы башланганда аңа бары унбиш яшь була. Бик күпләр кебек ул да үзенең яшьтәшләре белән колхозда төрле эшләрдә йөри. Соңыннан Сабада шырпы цехында эшли. 1949 елда Леспромхозга килеп заводка эшкә урнаша. Анда көрәкләр ясый һәм самолетлар төзәтү эшендә катнаша.

Вафина Сания Тимерҗан кызы1927 елның 12 гыйнварында Танай-Турай авылында туа.Сугыш вакытында төрле авыр эшләрдә эшли.Районнан Сания апаны Паратскига эшкә җибәрәләр.Ул анда снарядлар ясадык,куллар чи иткә чыга иде дип искә ала.1947 елда Бөек Ватан сугышы ветераны Вафин Нурислам белән тормыш корып җибәрәләр.7 балага гомер бирәләр.Бугенге көндә улы белән килене тәрбиясендә бәхетле картлык кичерә.

Озын гомер кичеп яшәгән кешеләр белән очрашып бер күрешү үк аларга карата чиксез хөрмәт хисе уята. Матур уй, изге теләк-ният белән яшәгәннәргә хак Тәгалә язмышның бәхетлесен, гомернең озынын бүләк итә торгандыр. Иртәгә 85 яшен тутырасы Садыйк Ситдыйк улы белән күрешкәч, бу фикернең дөреслегенә янә бер кат инанасың. Иман нуры сирпеп торган җылы, якты карашы, мөлаем йөзе, кешеләр белән ачылып, үз итеп сөйләшүе белән күңелләрне яулап ала ул.