Труженики тыла

Вәлиева Минниса Бәдретдин кызы 1908 елның 1 августында Иске Алпар авылында туган. Тыл хезмәтчәне. Бөек Ватан сугышы вакытында һәм сугыштан соң колхозда эшләгән. 7 бала тәрбияләп үстергән. 1992 елның 10 сентябрендә вафат булган. (Мәглуматны Иске Камка авылы китапханәчесе Вәлиева Гөлнур тапшырды). #увойнынеженскоелицо #женскоелицоПобеды #Алькеевскийрайон #Әлкирайоны

Рәсимә апа Яңа Имән авылында туа, гомере буе шунда яши, лаеклы ялга чыкканчы “Родина” колхозында хезмәт куя. Гектарлап чөгендерен дә эшкәртә, бәрәңгесен дә утый, колхоз малларын карауда да эшли, үз хуҗалыгындагы кырык төрле эшен дә башкара. Кызганыч, гаилә корып яшәсә дә, балалары булмый, ире Ярулла белән икесе генә гомер итәләр. Ярулласы вафатына да 13 ел үткән. Рәсимә апа бүгенге көндә иренең бертуган энесенең улы Вәлиуллин Фәнис, килене Надежда тәрбиясендә яши. Надеждага сабырлык теләп, рәхмәтләр генә юллап торырлык, аның тәрбиясендә 90 яшен тутырган кайнанасы Наимә апа да бар әле.

Габдрауфова Гамбария Габдрауф кызы 1924нче елны Тукай районы Сәет авылында дөньяга килә. Гамбария апа 5 класс белем ала. Гамбария апа 12 яшьтән колхозга эшкә йөри башлый. Алар гаиләдә 7 бала үсәләр. Сугыш башланганда Гамбария апа Сәеттә була. Сугыш башланган 1941 елны иратлар сугышка киткәч, Гамбария апаны Чаллы шәһәренә комбайнер булырга укырга җибәрәләр. Укып кайткач колхозда комбайнер, трактарист булып эшли башлый.

1929 нчы елның 28 маенда Мөбәрәкшин Габдрахман семьясында 5 нче бала булып дөньяга килә. 1937 елда мәктәпкә укырга керә, 4 класс белем ала. 1940 елда колхозда төнлә ат көтә, көндез колхозда төрле эшләрдә катнаша. 1952 елда Совет Армиясе сафларына алына. 2 елын Төньяк Корея, 1955 елга кадәр Омск шәһәрендә, Чита өлкәсендә хезмәт итә. Армиядән кайткач, колхозда, промкомбинатта эшен дәвам итә. Мөхәммәтюныс абый тормыш иптәше Рәкига апа белән биш бала: 3 кыз, 2 ул тәрбияләп үстерәләр. Хәзерге вакытта улы Назиф, килене Фәрхәнә семьясында гомер итә. Тенеки авылында яши.