Труженики тыла

Галимҗанова Резидә Гариф кызы 1932 нче елның 25 июлендә Саба районы Курсабаш авылында дөньяга килә.Минем әбиемә сугыш башланганда 10 яшь булган. Әбиемнең әтисе сугыш кырында ятып калган. Әбием гаиләдә иң олы булганга бөтен авырлык аның җилкәсенә төшә. Ул кыр эшләрендә эшли, өй тирәсендә булыша, балалар караша.Шул елларда әбиемнең күргәннәре һаман исендә.

“Без - сугыш елы балалары, - ди тыл ветераны Нурәхмәт Хәким улы Галиуллин. Безнең буын язмышына тирән эзен салды ул сугыш”. Яшьләренә күрә күпкә олыгайта аларны сугыш, берсе артыннан берсе авырлык-сынаулары белән чыныктыра, ныгыта да. Бөтен гомерләренә җитәрлек күркәм сыйфатлары әнә шул елларда ук бөреләнмәгәндермени? Тормышта һәр нәрсәгә үз көчең, үз хезмәтең һәм тырышлыгың белән ирешергә өйрәнгән, егылсаң да еламаска, тешен кысып түзәргә, сер бирмәскә күнеккән алар. Нурәхмәт абый 1931 нче елның 5 нче маенда Мәрҗән авылында дөньяга килә.

Бибисара Саләм кызы Галиуллина – тыл хезмәткәре, РФ хезмәт ветераны. 1930 нчы елның 1 сентябрендә Апас районы Үтәмеш авылында икенче бала булып, колхозчы гаиләсендә дөньяга килә. Сугыш башланганда Бибисара апага бары тик ун яшь була. 11 яше тулган көн анын өчен бәйрәм түгел, ә иң авыр көннәрнең берсе булып, кыз бала йөрәгенә тирән яра сала. Бу көнне аның әтисен сугышка алып китәләр. Шул көннән башлап кечкенә Сара өчен әтисез авыр тормыш башлана. 1943 нче елның 31 нче августы бу гаиләгә кара кайгы, әтиләренең үлгән хәбәрен алып килә.

1924 елның 17 июнендҽ Юлбат авылында туган. Озак еллар кошчылык фермасында эшли, 1956 елда ВДНХга бара. ―Ворошилов‖ исемендҽге колхозда эшләгән. Тыл ветераны. 1972 елда ―Почет билгесе‖ ордены; Бҿек Җиңүнең 30, 40, 50, 55, 60 еллык юбилей медальләре, 1970 елда ―1941-45 еллардагы батыр хезмҽте ҿчен‖ медале белҽн бүләкләнгән. 2010 елның 9 сентябрендҽ вафат булган, Юлбат авылына җирәнгән.