Труженики тыла

Галиева Тәнзилә Мотыйгулла кызы 1930 - елның 1 - маенда туган. 1938- елда 1 - сыйныфка укырга кергән. 12 яшендә 9 яшьлек энесе белән ятим калган. Ачлыктан үлмәс өчен мәктәпне ташлап төрле эшкә йөри. Балачагы сугыш елларына һәм сугыштан соңгы чорга туры килә. 1950 - елда СМУ - 4 төзелешкә эшкә керә. 1960 - елда Кама – Исмәгыйль авылына килен булып төшә. 1973 – 1982- елларда УКПН “ ВОХР”дакаравылда эшли. Лесхозда эшләп лаеклы ялга чыга. Хәзерге вакытта Кама – Исмәгыйль авылында яши. 1995- елда “За доблестный труд в Великой Отечественной войне 1941-1945г.г.” медале.

Галимов Таһир Гыймади улы 1927 елның 15 маенда Кама Тамагы районы, Кече Мәрәтхуҗа авылында туган. Олы Карамалы урта мәктәбен тәмамлаагннан соң армия сафларына алынган. Армиядан соң туган ягына кайткач, 1948 елда 3 еллык агрономнар мәктәбенә (Тәтеш районы узәгендә) укырга керә һәм 1951 елда уңышлы тәмамлый. 1952 елда белем алуын читтә торып дәвам итә (1958 елда тәмамлый).

1930 нчы елның 12 нче апрелендә Балтач районы Чепья авылында биш балалы гаиләдә туып, үсә Рәшидә апа. Сугыш чоры балаларыныкы кебек үк аның да тамагы ризыкка туймый, кияренә юньле киеме булмый. Шул ачлык-ялангачлык аркасында мәктәптә уку да эләкми аңа, соңрак кына үзлегеннән укырга, язарга өйрәнә. 12 яшеннән сыер сава башлаган кыз, гаилә корып, Әлмәт авылына килен булып төшкәч тә, 38 ел савымчы булып хезмәт куя. Ире Габделбарый белән дүрт кыз, бер ул үстергәннәр алар. Кызларының еракта яшәве генә бераз борчый Рәшидә апаны. Улы Сәүбән тәрбиясендә гомер кичерә ул.

“Әти сугышка киткәндә бер әнигә 5 бала калдык. Ашау яклары бик авырдан иде.Икмәк бик аз булгач, яз чыгу белән кырлардан өшегән бәрәңге, ә болыннардан кузгалак җыеп ашый идек. Безнең сыерыбыз бар иде-шуңа күрә ачтан да үлмәдек. Сыер саварга утырганда, әни безнең барыбызны да савыт тоттырып, үз янына тезеп утырта иде. Без җылы сөт эчеп, тернәкләнеп китә идек. Әнинең зур тырышлыгы аркасында безгә ачка тилмереп утырырга бик туры килмәде. Шушы ук сыерларны ат урынына җигеп, әни белән басулардан көлтәләр ташыдык.