Арча район башкарма комитеты җитәкчесе Илшат Нуриев 28 мартта район Мәдәният йортында Арча шәһәрендә яшәүче сугыш һәм тыл ветераннарына юбилей медальләре тапшырды. Ул аларга ил өчен иң авыр еллардагы фидакарьлекләре өчен рәхмәт әйтте, сәламәтлек, имин тормыш теләде. "Арча хәбәрләре" газетасы
Сугыш башлангач, безне, 6—7 кызны күрше авылга солдат һөнәренә өйрәтергә алып киттеләр, — дип сөйли Кызылъярдан Маһирә Шәрипова. Икесенә сугышка повестька килә. Сугышны ишетеп кенә белгән Маһирә аның коточкыч нәрсә икәнен төшенеп тә җитмичә фронтка китә. Яшьлеге белән куркуны да белмәгән, буйга кечкенә генә ябык кызының чит җирләргә сугышка чыгып китүенә әнисе бик борчыла. Исән кайта алмас, шунда бетәр, дип телгәләнә ана йөрәге. Маһирә 6 яшендә әтисез кала. Өч кыз туган, бер малай үсә алар.
Яңа Кенәрдә яшәүче Зөлфәр Баязитов сугышта хәбәрсез югалган туганнарын эзләп, “Бөек Ватан сугышы мемориалы” дигән сайтка кергән. Шуннан тагын берничә кешене тапкан. Шул көннән башлап ул хәбәрсез югалган туганнарының язмышы белән кызынсынганнарга ярдәм кулы суза. “Бу батырлык түгел, дөрес аңлагыз, ә гражданлык позициясе. Акча өчен түгел, бар нәрсә дә акча белән исәпләнми, күңелем кушканны үтим”,-ди ул. "Арча хәбәрләре" газетасы.
Сугыш. Җиңү. Бөек җиңүгә 70ел узса да, ул әле дә күңелләрдә авыр тәэсир калдыра. Өлкәннәр генә түгел, яшь буынның да бу хакта өзгәләнеп сөйләве, йөрәк түреннән чыккан хисләрен шигьри юлларга тезеп баруы бер яктан күңелләрдә моңсулык тудырса, икенче яктан шатлык уята. Димәк, яшь буын да илебезне дошманнардан арындыру өчен көчләрен, хәтта тормышларын да кызганмаган каһарманнарны олылый, аларның батырлыгына соклана.
Бөек Ватан сугышы башлану халыклар тормышын, әдәбият һәм сәнгатьне дә төбе –тамырыннан үзгәртә. Сугыш ил өстенә авыр йөк булып төшсә дә, безнең шагыйрьләребез иҗат итүләреннән туктап калмыйлар. Шланга урта мәктәп китапханәчесе Маллямова Рамилә Р.
Дөнья поэзиясе күгендә якты йолдызлардай балкыган шагыйрьләр аз түгел. Әмма алар арасында азатлык көрәшенең ялкынлы җырчылары, шул көрәштә батырларча һәлак булган легендар геройлар – инглиз шагыйре Джордж Байрон, венгр шагыйре Шандор Петефи, испан шагыйре Гарсиа Лорка, болгар шагыйре Никола Вапсаров, чех язучысы, публицист Юлиус Фучик һәм татар шагыйре Муса Җәлил исемнәре бар. Патриот-шагыйрь Муса Җәлилнең шигъри таланты, сугышчан батырлыгы һәм хәрби оештыру осталыгы фашизмга каршы аяусыз көрәштә бөтен тулылыгы белән ачылды.
Ел дәвамында Иске Шәйморза урта мәктәбебездә тимурчылык эше алып барыла. Укучылар Бөек Ватан сугышы ветераннарына һәм авылыбызның олыларына теләп ярдәм итәләр: кышын өй тирәләрен кардан чистарталар, көзен- язын бакча эшләрендә булышалар, йорт тирәләрен чүптән арындыралар.
Бу атнада Яңа Чүпрәле башлангыч мәктәбе укучылары район музеенда экскурсиядә булдылар. Аларга музей директоры Субаев Р.Р. районыбыз тарихы, аның бөек шәһесләре турында сөйләде. Бигрәк тә районның сугыш чорындагы авыр еллары, сугышта катнашкан район кешеләре турындагы мәгълүмат укучыларда кызыксыну уятты.
24-31 март аралыгында балалар һәм яшүсмерләр китап атналыгы уза.
