Бөек җиңүнең 70 еллыгына багышлап, Шушмабаш урта мәктәбенең физика укытучысы Нуриева Рәмлә Равиловна тарафыннан “Память” сайты ачылды. Сайт патриотик тәрбия буенча социаль проект барышында берничә ел дәвамында тупланган мәгълүматларга нигезләнеп төзелгән.
27 январь көнне М.Х.Гайнуллин исемендәге Кызыл-Тау урта мәктәбендә Бөек Җиңүнең 70 еллыгына карата 7 класс укучылары тарафыннан “Буыннардан буыннарга яңгырап, ишетелә сыкрау авазы...” дигән тема астында әдәби-музыкаль композиция үткәрелде. Кичә барышында укучыларны хәтер китаплары, үзебезнең яклардан сугышка китүче, сугыштан кайтучы авылдашларыбыз белән таныштырылды.
Иске Йомралы мәктәбенең “Мирас” музей бүлмәсендә Бөек Җиңүнең 70 еллыгына багышланган күргәзмә оештырылды. Биредә авылдашларыбыз Мозаффаров Мөхәммәт Гаптелгазизов улының фронттан язылган хатлары, Зиганшин Хәттап бабайның союзниклар бүләк иткән ботинкалары, Берлинны алуда катнашкан Дәүләтшин Хәмидулла бабайның орден-медальләре иң кыйммәтле экспонатлар булып тора. Моннан тыш, биредә Бөек Ватан сугышы чорына кагылышлы ярдәмче фонд материаллары-сугыш ветераннарының истәлекләре тупланган альбомнар, рефератлар, сочиненияләр урын алган.
Иске Юраш мәдәният йортында Бөек Җиңүнең 70 еллыгына багышланган "Мәңге сүнмәс безнең Хәтердә" дип аталган смотр-концерты булды.
Кәүҗияк балалар бакчасы тыл ветераны Тәкыева Мәүлидә әбидә кунакта. https://edu.tatar.ru
5 март көнне Сөлек мәдәният йортында Бөек Җиңүнең 70 еллыгы уңаеннан тыл ветераннарына юбилей медальләре тапшыру тантанасы булды. Бәйрәмдә Сөлек балалар бакчасы да катнашты. https://edu.tatar.ru
Сарысаз-Тәкермән балалар бакчасында сугыш ветеранының тол хатыны Нуриева Гөлҗиhан апа белән очрашу узды. https://edu.tatar.ru
Ләшәү-Тамакның балалар бакчасында Җиңүнең 70 еллыгына багышланган концерт узды. Балаларның әби-бабайларына hәм сугыш чоры балаларына концерт күрсәттеләр. Алар үзләренең хәтирәләре белән балалар белән уртаклаштылар.
"Үлгәннәрнең каберен,исәннәрнең кадерен бел!" темасы астында Бөек Җиңүнең 70 еллыгына багышлап Күтәмәле балалар бакчасында сугыш һәм хезмәт ветераны Маликов Касыйм Гайнемөхәммәт улы белән очрашу узды.Ул балаларга үзенең бала-чагы ,сугыш хатирәләре турында сөйләде, үз чиратында балалар аңа концерт номерлары күрсәттеләр.Балаларга патриотик тәрбия бирүдә үткәрелгән чара бик әһәмиятле булды.
Бөек шагыйребезне искә алу район күләмендә генә түгел, һәр елны илебез буйлап сибелгән татар халкы тарафыннан зурлап искә алына. “Мәңге яши Җәлил безнең күңелләрдә ” исеме астындагы әдәби-музыкаль кичәгә 6 нчы номерлы “Теремкәй “ балалар бакчасында тәрбияләнүче нәниләр бик теләп катнашты. Җәлил әсәрләренә нигезләнеп алар үз осталыкларын күрсәттеләр.
