Гарифуллина Мөнәвәрә Әхмәдулла кызы 1923 елның 25 июнендә Иске Кәшер авылында урта хәлле крестьян гаиләсендә туган. 1935 елга кадәр ялгыз хуҗалык булалар, 1935 елда колхозга керәләр. 1935-1938 елларда Иске Кәшер тулы булмаган урта мәктәбендә укый. 1938-1941 елларда Минзәлә педагогия училищесында белем ала.
Гарифуллина Оркыя Фәйзрахман кызы 1928 елның 9 нчы мартында Питрәч районы Шәле авылында 1 нче бала булып дөньяга килә. Гаиләдә 6 бала үсәләр. Мәктәптә 8 класс белем ала. Соңыннан ул колхозда актив хезмәт итә. Урак ура, борчак суга. Әлки районына агач егарга, утын турарга җибәрәләр. Кайткач фермада эшли. 1955 елда Пәрәү авылы егете Минхариска кияүгә чыга. 4 бала тәрбияләп үстерәләр. Авылда да ашлык игүдә, чөгендер алуда катнаша.1985 нче елда лаеклы ялга чыга. Лаеклы ялга чыккач та, озак еллар буе бәрәңге алуда колхозга булыша. “Фидакарь хезмәте өчен” медале белән бүләкләнә.
Гарифуллина Рушания Хәмәткәрим кызы 1931нче елның 12 сентябрендә Әлки районы Иске Камка авылында туа. Тыл хезмәтчәне. Бөек Ватан сугышы вакытында һәм сугыштан соң колхозда эшли. Пенсиягә чыкканнчы терлекчелектә эшли, сыер сава. Нәриман исемле егеткә кияүгә чыга. 3 бала тәрбияләп үстерәләр. Хәзерге вакытта исән- сау, улы Ринас гаиләсендә Базарлы Матакта яши. (Мәглуматны Иске Камка авылы китапханәчесе Вәлиева Гөлнур тапшырды). #увойнынеженскоелицо #женскоелицоПобеды #Алькеевскийрайон
Гатауллин Сөнгатулла Гатаулла улы 1920 нче елда элеккеге Котлы Бөкәш районы Чураш авылында туган. Язмыш аны әнисе белән Кече Кибәче авылына алып кайта. Бала чагы һәм үсмер чоры Кече Кибәчедә үтә. Күмәк эшләрдә эшли. Егет булып җитешкәч, Донбасс шахтасына эшкә китә. Сугыш башлангач, шахтага бомба эләгеп аста кала, иптәшләре казып чыгара. Шуннан соң 1 ел гипста ята һәм гарип булып кала. Инвалид булдым дип, өйдә ятмый: колхозда конюх булып эшли. Совхозда төрле эшләрдә катнаша. Дуңгызчылык комплексында эшләп, пенсиягә чыга. 2004 нче елда вафат була.
Гатауллина Шәмсегаләм Газизҗан кызы 1920 нче елда Кече Кибәче авылында күп балалы урта хәлле крестьян гаиләсендә туган. Сугышка кадәр колхоз эшендә эшли. Сугыш чорында урман кисүдә, окоп казуда һәм колхозның төрле эшләрендә катнаша. 1946 нчы елда тормышка чыга. Тормыш иптәше белән сигез бала тәрбияләп үстерәләр. Колхоз, соңрак совхоз эшләрендә эшли. Урманда агач үсентеләре үстерүдә хезмәт итә. Шәмсегаләм апа 2003 нче елның январенда вафат була.
Гатауллина Сәрвәригалләм Кыяметдин кызы 1960 елның 20 февралендә Татар Борнае авылында туа. Тыл хезмәтчәне.15 яшендә Иске Камка авылы егете Гатауллин Фатыйхка кияүгә чыга. Тугыз бала: 5 малай, 4 кызлары дөньяга килә. Колхозда, совхозда савымчы булып пенсиягә чыкканчы эшли. Алдынгы савымчылар рәтендә була. 1998 елның 1 июнендә вафат була. (Мәглуматны Иске Камка авылы китапханәчесе Вәлиева Гөлнур тапшырды). #увойнынеженскоелицо #женскоелицоПобеды #Алькеевскийрайон #Әлкирайоны
Халисә апа Апаста туа. Балачагы шунда үтә. Ул укытучылык һөнәрен үзләштерә. Халисә апаны Урта Балтай мәктәбенә биология укытучысы итеп билгелиләр. Шушы авылда ул үзенең гомерлек яры – Әкрам абый белән таныша һәм тормышка чыга. Бергә тату, матур тормыш итәләр. 1 малай, 1 кыз тәрбияләп үстерәләр. Сугыш вакытында төрле эшләрдә эшли. Намус белән хезмәт итә. Түбән Балтай авылында үрнәк гаилә булып гомер кичерәләр. Бүгенге көндә Түбән Балтай авылында ялгызы яши.
Фәрдия Халил кызы 10 апрель аенда 1923 елны Көек аулында туган. Көектә яшәүче Фәрдия әби Гатина туксан беренче яше белән барса да, җитез, җор телле булуы белән күпләрне сокландыра.
Гафиятуллин Гатиятулла Гафиятуллович (1894 - 1969) Гражданнар сугышында катнаша, Бөек Ватан сугышында 9.3.1942 хезмәт армиясенә моб-нә. 1946 елда дем-нә. Метрика язуында туган елы - 12.4.1896. Улы Мөдәррис (1926) сугышта һәлак була. Әтисе - Гафиятулла Төхфәтулла улы Әнисе - Хәят Хәйбулла кызы Хатыны - Фатыйма (15.2.1895/1897 - 1958), Гайфетдин Йосыф һәм Әсма Габделбәдиг кызы Балалары: Миңнеруй Гафиятуллина (1923-2007), Рәисә Исрафилова (1936), Алабугада яшәде, соңгы вакытта Казанга урнашты.
