Сугышта катнашучылар

1926 елның 10 апрелендә Әҗәкүл авылында туа, шунда яши. 1943 елның 8 ноябрендә яу кырына озатыла. II Ерак көнчыгыш фронтында сугыша. Җиңү көнен Комсомольск шәһәрендә каршылый. 1950 елга тикле шул шәһәрдә өлкән сержант булып хезмәт итә, топограф була. 1950 елның ноябрь аенда туган авылына кайта. Орден, медальләр белән бүләкләнә. Кайткач, "Актанышнефтепродукт" ААҖ 18 ел директор булып эшли. Соңыннан СХТ да инженер булып, 1986 елны лаеклы ялга туктый. Тырыш хезмәтләре өчен "Хезмәт ветераны" исеме бирелә. Тормыш иптәше Фазила белән дүрт бала тәрбияләп үстерәләр.

1924 елның 5 мартында Иске Сәфәрдә туа, шунда яши. 1942 елның көзендә 18 яшь ярымда яуга чакырыла. Горький шәһәре янынды күнегүләр узгач, 1943 елның гыйнварыннан I Белоруссия фронты сафында элемтәче сыйфатында Көнчыгыш Пруссия, Латвия, Литва, Эстониядән немецларны кууда,I, II Балтика буе фронтлары составында Витебск, Смоленск юнәлешендә сугышчан хәрәкәтләрдә, Ленинград камалышын өзүдә, Польшаны азат итүдә катнаша. Җиңү көнен Литвада каршылый.

1924 елның 2 гынварында Актаныш авылында туа. 1942 елның 18 маенда фронтка китә. Приморье краенда хезмәт итә. Туган якка 1944 елның февралендә кайта. Рядовой. Күп медальләр белән бүләкләнә. Әҗәкүл элеваторында ашханә мөдире, Гәрәй авылында счетовод, Ямалы элеваторында кассир-счетовод, райпода, 746 нчы ПМКда кассир булып эшли. Хезмәт ветераны. Ике кызы бар.

1926 елның 5 гыйнварында Иске Айман авылында туа. 1945 елның 4 гыйнварында сугышка китә. l Белоруссия фронты составында көрәшә. Җиңү хәбәрен Берлиннан 82 километр ераклыкта окопта ятканда ишетә. 1947 елга кадәр Германиядә, Белоруссиядә хезмәт итә. Кече сержант 1950 елның 16 октябрендә демобилизацияләнә. Тыныч тормышта шахтада, чирәм җирләрне эшкәртүдә тырышлык куя. "Германияне җиңгән өчен" һәм башка юбилей медальләре, Октябрь Революциясе ордены, "Хезмәттәге батырлык өчен", "Чирәм җирләрне үзләштергән өчен", "Ветеран труда" медальләре белән бүләкләнә.