Труженики тыла

Хөснетдинова Фәгыйлә Әхмәт кызы 1929 нчы елның 23 нче январенда Мамадыш районы Кыерлы авылында туа. Алар гаиләдә биш бала тәрбияләнә. Фәгыйлә апа 1936 нчы елда Кыерлы мәктәбенә укырга керә. 3 нче сыйныфта укыганда, Бөек Ватан сугышы башланган. Мамадыш районы Кыерлы авылында башлангыч белем ала. 3 класс белеме булган Фәгыйлә апага укуын дәвам итү мөмкинлеге булмый. Аларның гаиләсеннән сугышка әтисе һәм ике абыйсы киткән. Сугыш вакытында Фәгыйлә апа урманда да эшләгән, кырда урак урган, утау утаган.

Хөсәенов Минхарис Гәрәй улы 08.01.1928-29.05.2014 Әлки районы Чуаш Кичүе авылында туган. Әтисе Гәрәй, әнисе Фатыйма исемле булган. Гаиләдә бер бала булып үскән. 7 классны тәмамлаган. Бөек Ватан сугышы елларында чабата үргәннәр, кырда эшләгәннәр: печән чапканнар, көлтә бәйләгәннәр.Тумбага урман кисәргә йөргәннәр. Хабаровскида Армия хезмәтен үткән. Күп урыннарда хезмәт иткән: больницада - завхоз, совхозда фермада, ТСЖда - механик булып. Хезмәт стажы 47 ел. ( Чуаш Кичүе авыл җирлеге хезмәткәрләре материалы).

1930 елның 3 мартында Татар АССРның Саба районы Оет авылында урманчы Хөсәен Гарипов гаиләсендә дөньяга килә. Җидееллык белемне туган авылы Оетта ала. 1941нче елны Бөек Ватан сугышы башлана. Гаилә башлыгы Хөсәен Гарипов сугышка китә, Фазизә апа 5 бала белән кала. Сагыйт абый, олы бала булганлыктан, үзеннән кече туганнарын карый, тәрбияли. Әнисенә йорт – җир эшләрендә булыша.

Тәгъзимә апа Мостафин авылында туып-үсә. Гаиләдәге җиде баланың икенчесе була ул. Әнисе мәктәптә хезмәткәр булып эшли. Сугышка киткән әтисе Нуриәхмәттән бер генә хат килеп кала, балалары ятим үсә. Мәктәп елларында ук колхоз эшенә йөриләр, басуда, фермада эшлиләр. Ашарга ризыгы, кияргә киеме юк чаклар. Азрак үсә төшкәч, урман кисәргә дә йөртәләр. Гомере буе “Петровский” совхозында эшләп, лаеклы ялга чыга. Авылдашы Шәрипҗан белән гаилә корып, дүрт бала үстерәләр. Икесе дә бик тырыш булалар, үз гомерләрендә өч йорт кына төзиләр. Балалары да үзләренә ошап, тырыш булалар.