Әмертдинов Йосыф Әмир улы 1906 елда Иске Әлмәт авылында туа. Әнисе Шәмсениса 1910 елны иреннән аерылып Иске Кәшергә кайта. Йосыф ятимлектә дөньяның ачысын да, төчесен дә күп татый. 1941 елда сугышка алына. Хатыны Саимә 3 улы – Юныс, Гариф, Әнәсне ияртеп Бөгелмәгә чаклы озата.
1923 елның 10 июнендә Дербешка поселогында туа. Сугышка 1942 елда китә. Украина, Белоруссия фронтларында сугыша. Җиңү көнен Австралиядә каршылый. Туган якка 1947 елның февралендә кайта. Сержант. "Германияне җиңгән өчен" һ.б. медальләр белән бүләкләнә. Кайткач Дербешка, Әҗәкүл пристаньнәрендә хезмәт куя. Хатыны Хәдичә белән 3 бала тәрбияләп үстерәләр.
1926 елның 16 гыйнварында Актаныш авылында туа. Фронтка 1944 елда китә. Япониягә каршы сугышта катнаша. Җиңү көнен Япониядә каршылый. Туган якка 1951 елда әйләнеп кайта. Рядовой. Медальләр белән бүләкләнә. Район Советы башкарма комитетында, комуналь хуҗалык җитәкчесе булып эшли. Актаныш май заводында эшләп лаеклы ялга чыга. Коммунистик хезмәт ударнигы. Тормыш иптәше белән ике бала тәрбияләп үстерәләр.
1926 елның июнь аенда Илчебай авылында туа. Хәзерге көндә Актанышбашта яши. 1945 елның 15 гыйнварында сугышка озатыла. 346 нчы укчы полкта укчы булып хезмәт итә. Җиңү көнен Белоруссиядә каршылый. Сугыш беткәч тә тиз генә туган авылында кайту насыйп булмый. 1946-1947 елларда 25 нче каравыл ротасында укчы булып хезмәт куя. 1947 елда 17885 хәрби частьтә укчы була. 1950 елның 17 маенда авылына кайта. Ефрейтер булып хезмәт иткән яугирнең шактый медальләре бар.
Сугыш һәм хезмәт ветераны Әхмәдуллин Әнвәр Сәетгәрәй улы, 1928 елның 5 апрелендә Сарман районы Баткак авылында туган. Салкын Алан авылы мәктәбендә 7 классны бетерә. 1944 елның 10 ноябрендә, бөтенләй яшь егет булып, Кызыл Армия сафларына алына. Хәрби укулар үткәннән соң, Ерак Көнчыгышта, Япония чикләрендә, 41630 нчы хәрби частьта элемтәче ( линейный настройчик) булып хезмәт итә. Үзе хезмәт иткән полк составында 1945 елда Японнарга каршы сугышта катнаша.Төрле авыр сынаулар үтеп, сугыш тәмамланганнан соң да, Кытай чигендә Совет Армиясе сафларында хезмәт итүен дәвам итә.
Әхмәтов Корбангали Миннәхмәт улы 1922 елның 23 гыйнварендә хәзерге Сарман районы Күктау авылында туган. 1940нчы елда Чистай шәһәре район хәрби комитетыннан Кызыл Армия сафларына алына. Өлкән сержант дәрәҗәсендә 611нче авиация истребитель полкында механик булып хезмәт итә.8 Һава армиясенең 2 Украина фронты составында фашистларга каршы сугышканда күрсәткән батырлыклары өчен 1943 елда Кызыл Йолдыз ордены белән бүләкләнә. Ул хезмәт күрсәткән И-153 самолеты ватылмыйча 25 очыш ясый шуның белән ул летчикларга фашистларны тар-мар итүгә зур ярдәм күрсәтә.
Әхмәтшин Харис Нәҗип улы 1926 елда Казан губернасының Спас өязе Бибай Чаллысы авылында (хәзер ТР Әлки районы) туган. Бөек Ватан сугышы ветераны. 1943 елда ТАССРның Әлки район хәрби комиссариатыннан алына. 1968 елда вафат.
1923 елның 17 декабрендә Иске Байсарда туа, шунда яши. ll группа хезмәт инвалиды. Минзәлә фельдшер-акушерлык училищесын 1940 елда тәмамлаган кызны сугыш башланганның икенче көнендә - 1941 елның 23 июнендә армиягә алалар. Казандагы хәрби кыр хастаханәсендә өлкән шәфкать туташы, комсорг була. 1945 елның 15 декабрендә хәрби хезмәттән азат ителә. "1941-1945 еллардагы Бөек Ватан сугышында Германияне җиңгән өчен", соңыннан юбилей медальләре белән бүләкләнә. Хәрби хастаханә җитәкчелегенең рәхмәтләрен ала.
1923 елның 19 июлендә Олыимән авылында туа, шунда томыш итә. 1942 елныь апрель аенда 19 яше тулганчы яуга чакырыла. Горький шәһәреннән 8 чакырым ераклыктагы лагерьда күнекмәләр узгач, сентябрьдә Калинин шәһәрен саклаучылар сафына җибәрелә. Ноябрьдә яралана. Терелгәч, 1943 елның 4 апреленнән 1322 нче танкка каршы көрәшүче полкның 2 нче батарея сафында Украина, Румыния, Германия, Польшадагы сугышчан хәрәкәтләрдә катнаша. 1944 елның 8 сентяберендә кече серңант дәрәҗәсе бирелә. Җиңү бәйрәмен Чехословакиядә каршылый. Сугыштан соң Украинада хезмәт итә.
Әһлиуллина Мәрьям Мәхмүт кызы
