Труженики тыла

Яруллина Рузилә Хөрмәтулла кызы Саба районы Өет авылында 1931 елның 3 мартында бәрәнче бала булып дөнъяга килә. 7 класс бетергәч, әнисенә ияреп колхоз эшенә йөри. "Урак урып, печән чаптык, урман чистартырга йөрдек, ничекләр түздек. Ашарыбызга булмады, якындагы урманга барып җиләкләр, үләннәр җыйдык. Күрше урыс авылындагы бәрәңге басуына барып черек бәрәңге җыеп кайтканда, төнге каравылчылар тотып, капчыкларыбызны алып калды. Мин телсезгә сабыштым, жәлләделәр, теле дә юк, ашарына да юк диеп капчыкны кире бирделәр"- диеп искә ала Рузилә апа.

Тыл ветераны Җиһангирова Фәүзия Миннулла кызы 1932 нче елның 5 июнендә ТАССР нын Апас районы Үтәмеш авылында дөньяга килгән. Сугыш башланганда аңа 9 яшь булган. Яшүсмер кыз бала әле бу вакытта сугыш афәтенең никадәр газап, кайгы, авырлыклар китерәсен башына да китерми. Әмма дәһшәтле сугыш кызны өлкәннәр белән бергә төрле колхоз эшләрен башкарырга, басуга көлтә бәйләргә, башак җыярга чыгара. 1948 нче елда Капри мәктәбен яхшы билгеләргә тәмамлагач, авылда бухгалтер итеп куялар. Читтән торып бухгалтерлар курсын тәмамлагач Югары Ындырчы авылында хисапчы булып эшли башлый.

1928 нче елның 26 нчы июнендә Саба районының Шекше авылында туган. 1936-1943 нче елларда Шекше мәктәбендә белем алган. 1943-1949 нчы елларда Тельман колхозында счетовод булып эшлэгэн: төнге 12 гә кадәр бригадирлардан сводка жыйган ,шуны 15 кон саен районга жәяүләп барып тапшыра торган булган. 1949-1951 нче елларда авыл советына күчергәннәр. 1950 нче елны Һадиев Зөфәр Һади улына кияүгә чыккан. Тормыш иптәше тегермәнче булганлыктан, алар башта Шекшедэ торганнар, 1957 нче елны Мәртенгә күчергәннәр, ә 1960 нчы елның маеннан Тенекидә урнашканнар.

Әкбәрова Маһинур Гата кызы 1914 елның 12 мартында Иске Камка авылында туган. Тыл хезмәтчәне. Бөек Ватан сугышы вакытында һәм сугыштан соң колхозда эшләгән. 2 бала тәрбияләп үстергән. 1980 елның 25 ноябрендә вафат булган. (Мәглуматны Иске Камка авылы китапханәчесе Вәлиева Гөлнур тапшырды). #увойнынеженскоелицо #женскоелицоПобеды #Алькеевскийрайон #Әлкирайоны