Ялалетдинов Харис Ялалетдин ага турында истәлек. (1909 1992)

Харис ага авылда мин тирән ихтирам иткән, олуг хөрмәткә лаек булган иң аз кешеләрнең берсе иде. өчен оны беле
Җыйнак кына гәүдәле бу мөхтәрәм кешегә 1938 елда Хасан күле янында япон самурайларына каршы көрәшергә дә, 1940 елның зәмһәрир суыкларында финнар белән якалашырга да, аннан кайту белән Бөек Ватан сугышы уты эченә керергә дә туры килде. 1942 елда Сталинград өчен барган каты сугышларның берсендә авыр яраланып, госпитальдә бераз дәваланып чыкканнан соң, аны "хәрби хезмәткә яраксыз" дип өенә кайтаралар. Кайту белән үк авыл Советы рәисе итеп сайлыйлар үзен.
Авыр сугыш еллары. "Октябрь" колхозының рәисләре Рәхимов Сафа, Сафин Гаталар белән колхозны тәмам аяктан екмас өчен бөтен көчен биреп тырышырга да, фронт өчен ярдәм оештырырга да, авыл халкының авыр хәлен кайгыртырга да ничек өлгергәндер ул үзе дә савыгып җитмәгән килеш.
1955 елдан алып күп еллар мин җитәкләгән Миңлебай мәктәбендә хуҗалык мөдире булып эшләде. Үз эшенә шулкадәр җаваплы каравы белән ул күпләргә үрнәк, шунын белән мине шаккатыра иде. Гаиләсендә абруйлы, сабыр, акыллы ата, киңәшче, чын мәгънәсендә "халык педагогикасы"ның олы бер вәкиле иде ул, Балаларына: "Бер вакытта да кеше белән ачуланышмагыз, булашмагыз, сөйләшкәндә кеше сүзен бүлдермәгез, тыңлап бетергәч кенә төпле җавап бирергә тырышыгыз, эшнең барысы да олы, җиренә җиткереп башкарыгыз, һ.б., һ.б. киңәшләрен даими бирер иде. Мин аның бер генә тапкыр булса да ят, яман сүз әйткәнен ишеткәнем, чыгырыннан чыгып дулаганын ишеткәнем булмады. Балалары да үзе кебек ипле, акыллылар. Кызы Мәгъмүрә менә чирек гасырдан артык авыл Советында баш бухгалтер. Эшен белеп, яратып, җиренә җиткереп эшли. Кешеләргә рәхимле, киңәшчел, ярдәмчел. Озак еллар дәвамында намуслы хезмәт күрсәткәне өчен һәм районның 75 еллыгы уңаеннан аны Әлмәт районы һәм Әлмәт шәһәре хакимияте Мактау грамотасы белән бүләкләде.
Ә Харис аганың өстенә озынчарак шинель, башына буденовка-шлем киеп фронттан кайткан чагы бүгенгедәй күз алдымда тора.
Мөдәррис Ибрагимов истәлекләреннән.