2025 ел – барыбыз өчен дә үзенчәлекле, Бөек Ватан сугышы Җиңүнең 80 еллыгын, илебездә һәм Ватанны саклаучылар елын билгеләп үтәбез. Бөек Җиңүнең 80 еллыгы уңаеннан Рәссәй Президенты Владимир Владимирович Путин юбилей медален тапшыруны гамәлгә куйды. Әлеге медаль "Бөек Ватан сугышы фронтларында көрәшкән солдатлар, армияне кирәкле бөтен нәрсә белән тәэмин иткән тыл хезмәтчәннәре, фашист концлагерьларын, камалыш һәм ачлыкны кичергән, әмма Җиңүгә ышанычын югалтмаган кешеләрнең истәлеген гәүдәләндерә".Шул уңайдан Х.Х. Әхмәтшин исемендәге Елховой авылы тарихы музее хезмәткәрләре, Түбән Абдул авыл җирлеге башлыгы белән берлектә тыл хезмәтчәннәре
Галиәскарова Хәнифә Әхмәтгатин кызына ,Галимова Фагимә Сәлим кызна , Зиганшина Сафия Хаматгалим кызына ,Сунгатулина Мәсрүрә Хатыйп кызына , Гатина Нәфисә Сарбак кызына, Дәвләтшина Мәрьям Әбелгата кызына Бөек Җиңүнең 80 еллык медале тапшырып, авыр сугыш елларындагы хезмәтләре өчен аларга рәхмәт белдереп , ныклы сәламәтлек һәм озак елларга күңел күтәренкелеге теләделәр.
