«Варшаваны азат иткән өчен» медале.

«Варшаваны азат иткән өчен» медале СССР Югары Советы Президиумының 1945 елның 9 июнендәге Указы белән гамәлгә куела. Медаль проектының авторы-рәссам Курицына. 1945 елның 14-17 гыйнварында Варшаваны батырларча штурмлауда һәм азат итүдә турыдан-туры катнашучылар, шулай ук бу шәһәрне азат иткәндә хәрби операцияләрне оештыручылар һәм җитәкчеләре медаль белән бүләкләнә.

«Варшаваны азат иткән өчен» медале бакырдан эшләнә һәм диаметры 32 мм булган түгәрәк формасында була. Уң ягында өстә әйләнә буенча «Азат иткән өчен» дип язылган, уртада «Варшава» сүзе язылган, аста биш очлы Йолдызчык һәм аннан таралган нурлары сүрәтләнгән. Медальнең икенче ягында Варшаваны азат итү датасы "17 гыйнвар 1945", дата өстендә биш очлы йолдызчык. Медальдәге барлык язулар һәм сурәтләр кабарынкы. Медаль зәңгәр муар тасма белән тышланган биш почмаклы колодкага колакчык һәм боҗра ярдәмендә тоташтырыла, тасманың уртасында киңлеге 8 мм булган кызыл тасма,тасманың кырыйлары тар сары тасмалар белән кырыйланган.

Шунысы кызык бүләк иясе булган кешенең гаиләсе, ул вафат булганнан соң,аны башта дәүләткә тапшырырга тиеш булган. Эмма 1951 елда бу гаделсезлек бетерелә һәм геройның якыннарына батырлык истәлеге итеп медаль калдырырга мөмкинлек бирелә. Билгеле булганча, якынча 701700 «Варшаваны азат иткән өчен» медале бирелгән. Бүләкләнүчеләр арасында безнең авылдашларыбыз (Әлмәт районы Түбән Абдул, Елховой авыллары ) да бар: Мусин Г.Н., Сафин А.Ш.
( кайбер мәгълүматлар интернет чыганаклардан алынган мәгълүматлардан тәрҗемә ителде)

Төзеде Х.Әхмәтшин исемендәге Елховой авылы тарихы музее хезмәткәре.