Арча үзәк китапханәсендә Бөек Җиңүнең 70-еллыгы уңаеннан “Ул елларның даны мәңгелек” дип исемләнгән район шигырь сөйләүчеләр бәйгесе узды. Бәйге 2 номинациядә:
1.“Бөек Ватан сугышына багышланган шигырьне яттан сөйләү”
2.“Бөек Ватан сугышы турындагы әсәрдән өзекне сәнгатьле уку” яшь бүленеше буенча 15 – 24; 25 – 55; 56 яшь һәм өлкәнрәкләр арасында узды.
Бәйгедә барлыгы 55 кеше катнашып чыгыш ясады. Бәйрәм сугышның газап-михнәтләрен үз башыннан кичереп, Җиңү яулап кайткан, районыбызда олы ихтирамга лаек, күкрәген орден, медальләр бизәгән Бөек Ватан сугышы һәм хезмәт ветераны, китапханәбезнең актив укучысы Гафурова Халисә Билалетдин кызын якынлашып килүче Бөек Җиңүнең 70-еллык юбилее белән котлау һәм чәчәк бәйләме тапшыру белән башланып китте.
Бәйрәмгә җыелган кунаклар, тәмле чәйләр эчеп, чыгыш ясаучыларны хозурланып тыңлап, алар өчен җан атып, Мактау грамоталары, Рәхмәт хатлары, бүләкләр алып өйләренә таралыштылар.
