Традицияләргә - дан

Мәктәп укучылары һәм Юнармия хәрәкәте отрядында катнашучылар өчен ел саен Бигәш урамында урнашкан Бөек Ватан сугышында Ватанны саклаучылар хөрмәтенә мемориаль комплексны карау һәм җыештыру матур традициягә әйләнде.

Сугыш турындагы хәтирәләр, һәм, кызганычка каршы, бу вакыйгаларны хәтерләүчеләр көннән-көн кими бара, ә һәйкәл үсеп килүче буын өчен истә калачак һәм булачак. Хәрби-патриотик айлык кысаларында, Ватанны саклаучылар көне алдыннан, 7б сыйныф укучылары, педагог-оештыручы Садертдинова А. З.белән берлектә һәйкәл территориясен кардан чистарту буенча өмә үткәрделәр.

Балалар кар көрәделәр һәм чүп-чар җыештырдылар.

Укучылар күп көч һәм тырышлык куйдылар, димәк, киләчәктә балалар үз илләренең чын геройлары турында онытмаслар, Бөек Ватан сугышында катнашучыларның һәйкәлләре янында тәртип сакларларлар, һәлак булган сугышчыларның исем-фамилияләренең чиксез исемлекләрен күреп, балаларына: «Бу һәйкәл тыныч күк астында яшәгән кешеләр хөрмәтенә тора», - дигән өмет бар.

Шулай ук Юнармия отрядында катнашучылар Җиңү волонтерлары мәктәп отрядында катнашучылар белән берлектә геройлар истәлегенә багышланган «Герой белән диалог» дигән шәһәр чарасында катнаштылар.

Мәктәптә февраль аенда хәрби-патриотик тәрбия айлыгына багышланган Сугыш еллары җырлары инсценировкалары конкурсы узды. Барлык сыйныфлар да, патриотик форматтагы җырлар башкарып, мәктәп сәхнәсендә чыгыш ясадылар. Балалар образлар, костюмнар һәм аксессуарлар уйлап, чарага бик җаваплы килделәр. Конкурс нәтиҗәләре буенча урта һәм өлкән буын арасында 1 урынны 7б сыйныф алды, алар тимурчылар отряды һәм Юнармия отряды тәрбияләнүчеләре булып торалар.

19 нчы февраль көнне 1 нче гимназиядә ЮНАРМИЯ отрядлары арасында"Конкурс знаменных групп" булып узды, анда безнең мәктәп укучылары да катнашты. Бәяләү критерийлары җитди иде: тышкы кыяфәте, пөхтәлеге, командаларның көйле башкарылуы, команда эше. Конкурс нәтиҗәләре буенча безнең мәктәп укучылары мактаулы III урынны яуладылар.

Шулай ук яшь армиячеләр «Аҗаган»муниципаль хәрби-спорт конкурсында катнаштылар. Конкурс 3 блоктан торды. Ярышлар вакытында балалар тематик интеллектуаль конкурста  визитка , спорт һәм хәрби әзерлектә үзләренең белемнәрен күрсәтергә тиешләр иде. Конкурс нәтиҗәләре буенча безнең яшь армиячеләр «Визитка» конкурсында гомумкоманда I урынны, сафта әзерлек конкурсында гомумкоманда I урынны, физик әзерлек этабында гомуми команда III урынны һәм конкурсның гомуми исемлегендә мактаулы III урынны яуладылар. Безнең егетләрне, командирларны һәм отряд җитәкчесен котлыйбыз!

Кешеләр патриот булып тумый, Ватанга мәхәббәт ана сөте белән бирелми, намус, үҗәтлек, сизгерлек үзеннән-үзе килми. Бу һәм башка сыйфатларны максатчан һәм көн саен балаларда, барыннан да элек гаиләдә генә түгел, мәктәптә дә тәрбияләргә кирәк. Һәм без барлык чаралар да балаларга туган ягыбызны, аның могҗизалы табигатен тагын да яратырга һәм сакларга, безнең гүзәл илдә яшәүче кыю һәм батыр кешеләрдән үрнәк алырга ярдәм итәр дип ышанабыз.

Садертдинова Адилә Зиннур кызы,

13 нче мәктәп педагог-оештыручысы