Тантаналар дәвам итә. Әтнә районының хөрмәтле кунаклары тыл ветераннарына "Җиңүнең 75 еллыгы" медален тапшырсалар, хезмәттән ямь табып яшәүче Рәшит абый белән Флера апага "ТАССР ның 100 еллыгы" тамгасын тапшырдылар. Ташчишмә авыл җирлеге башлыгы Вәлиев Азат Тәлгать улы ветераннарны бәйрәм белән котлады. “Җиңүнең 70- еллыгында 28 ветеран булса, 75-еллыка аларның саны 9 гына”,- дип искәртеп үтте ул. Ветераннарның саны елдан-ел азая. Балаларыгызның хөрмәтен күреп озак яшәгез әле,-“ диде ул сүзен йомгаклап. Авыл клубы мөдирләре җитәкчелегендә мәктәп укучылары концерт куйды. Бәйрәм табыны да мулдан әзерләнгән иде. Ветераннарыбыз бәйрәмнән бик канәгать булып, рәхмәтләрен әйтеп таралыштылар. Тантанага килә алмаган ветераннарның өйләренә барып хәлләрен белделәр, медальләрен тапшырдылар.
