Корпункт:
7 май көнне Сикертән төп гомум белем бирү мәктәбендә сугыш һәм тыл ветераннары, сугыш елы балалары белән очрашу булды. Тыныч тормышның нинди зур югалтулар белән яулап алынганын күз яшьләре аша җиткерде ветераннар.Күк йөзе гел аяз булсын, кояш нурларын кара болытлар капламасын, балалар ятим үсмәсен, илебез тыныч булсын. Бу сүзләр ветераннарның киләчәк буынга амәнәте.
Мәктәп укучылары шулай ук бүген «Кыр почтасы» акциясендә катнашып, сугыш һәм тыл ветераннарын, сугыш елы балаларын Бөек Җиңүнең 70 еллыгы белән котлап , бәйрәм открыткасы өләштеләр .Бу хатларда укучыларның ветераннарга булган хөрмәте,йөрәк җылысы салынган сүзләр язылган. Ветераннарның йөзләрендәге елмаю, күзләрендәге шатлык яшьләре укучыларга иң зур рәхмәт шул.
