Закирова Һадия Салих кызы 1927 елның 15 декабрендә Төньяк Казахстан өлкәсенең Окуневка авылында туа.
Белгечлеге буенча-башлангыч сыйныф укытучысы. Хезмәт эшчәнлеген 1944 елда Окун урта мәктәбендә башлый.
Әлмәткә Һадия Салих кызы 1962 елда күчеп килә һәм 13 нче мәктәптә китапханәче булып эшли башлый. Алга таба 8 нче төзелеш-монтаж трестында машинистка үзенең хезмәт эшчәнлеген дәвам итә.
Ә 1963-1986 елларда "Татнефть"компаниясенең кадрлар бүлегендә эшли. Шуңа күрә аны нефтьче коллегалары да котларга килде.
Һадия Салих кызы ике ул үстергән һәм бүгенге көндә өч оныкның һәм ике оныкчыкның әбисе.
Хадия Сәлях кызын намуслы хезмәте һәм яшьләр өчен үрнәк булуы белән котлыйбыз, горурланабыз һәм рәхмәт белдерәбез.
Тулырак: http://almet-rt.ru/news/tormysh-yashesh/54162
Фото:Әлмәт районы башлыгы матбугат хезмәте
