Һәйкәлләрдә кеше Хәтере

Үсеп килүче буынны патриотик рухта тәрбияләү максатыннан Ләке төп гомуми белем бирү мәктәбе укучылары тарафыннан " Горурланабыз! Хәтерлибез! Хөрмәтлибез!" акциясе игълан ителде.  Аның барышында мәктәп яшь армиячеләре Ләке авылы һәйкәле тирәсен тәртипкә китерү буенча өмә оештырдылар. 
 Балалар тирә-юньне кардан чистартты, чүп-чар җыйды. Барысы да намус белән эшләделәр, туган җиребезне фашист илбасарларыннан арындырып, яуда башларын салган авылдашларыбыз тыныч йокласыннар дигән теләктә калдылар.