Безнең илебездә Ватан өчен барган авыр сугыш газапларын күрмәгән гаилә юктыр.
Бабамның әтисе - Низамов Солтан Каюм улы 1924 нче елның 15 нче маенда туган. Мин аны хәтерләмим. Чөнки ул мин бик кечкенә чакта ук вафат булган. Бабам сөйләве буенча,Каюм бабай сигез балалы гаиләдә иң өлкән бала булып үскән. Бөек Ватан сугышы башлану белән унҗиде яшьлек егет үзе теләп фронтка киткән.Аның турында бабам авызыннан сөйләнгән истәлекләрне искә төшерәсем килә...
...Солтан Низамов разведка төркеме командиры булып 4елдан артык барган авыр сугыш юлларыннан узган. 1944 елда ул Кёнигсбергны штурмлаучы часть составында аеруча зур батырлыклар күрсәткән. Сугышчыларны һәм авыр сугыш техникасын елга аша чыгарырга кирәк була.Ул , заданиене үтәп, фронт сызыгы аша үзебезнекеләр ягына чыкканда ике тапкыр авыр яралана.Табиблар аның ике аягын да кисәргә булалар.Ләкин ул моңа кискен каршы тора,аяксыз калдырмауларын сорый. Бәхеткә,озак дәваланганнан соң аның хәле уңай якка үзгәрә,ул аягына баса.
Бабамның әтисе күрсәткән батырлыклар турында эле дә гаиләбездә сакланып торганорден –медальләре сөйли. Бу - беренче һәм икенче дәрәҗәдәге Ватан сугышы орденнары , икенче һәм өченче дәрәҗәдәге Дан орденнары ,”Сугышчан хезмәтләре өчен” медале һәм дистәдән артык юбилей медальләре.
Сугыштан соң Солтан бабам педагогия училищесында укып, озак еллар мәктәптә укытучы булып эшли. Гомеренең соңгы 15 елында нефть предприятиесендә хезмәт итә.
Бабам сөйләве буенча, ул бик киң күңелле һәм батыр кеше булган.Мин аның белән горурланам.
Гатина Амелия,
Әлмәт шәһәре 5-нче гимназиясенең 5б сыйныфы укучысы
