Корпункт:
Дусым авылында Бөек Ватан сугышында Җиңүнең 80 еллыгына багышланган бәйрәм чарасы үтте.
Тантананы Равил хәзрәт Коръән сурәләре укып, Ватанны саклау юлында һәлак булган авылдашларыбыз, шулай ук хәзерге заманда да изге бурычын үтәп һәлак булучылар рухына дога кылып башлап җибәрде.
Авыл җирлеге башлыгы Ленар Сәмигуллин сугыш чоры балаларын, килгән кунакларны ихластан Җиңү бәйрәме белән котлады.
Чара мәдәният хезмәткәрләре һәм мәктәп укучылары, бакчада йөрүче нәниләр тарафыннан әзерләнгән концерт белән дәвам итте.
Хәтер минутлыгы: һәлак булганнар истәлегенә венок куелды.
Әлеге чара яшь буынга тарихи хәтерне саклауның әһәмияте зурлыгын ассызыклады. Дөньяларыбыз имин-тыныч булсын иде.
