Сугыш вакытында ук, кышкы айларда фронтта махсус чаңгы бүлекчәләре эшли. Ленинград физик культура институты студентлары һәм укытучыларыннан төзелгән ирекле отрядлар зур батырлык күрсәткәннәр. Бу отрядлар дошманга зур зыян салыпь командованиенең иң җаваплы йөкләмәләрен үтиләр. Сугыштагы батырлыклары өчен чаңгычыларның зур төркеме орден һәм медальләр белән бүләкләнә, ә танылган чаңгычы— 1939 елгы ил чемпионы Владимир Мягковка Советлар Союзы Герое исеме бирелә.В. Мягков сугышта батырларча һәлак була. Бөек Ватан сугышы башлангач, бөтен спорт эше сугышчыларны физик әзерләүгә юнәлдерелә. Чаңгычыларның махсус отрядлары фронтта һәм дошман тылында җаваплы операцияләр башкара. Бу отрядлар дошманның тере көченә һәм техникасына зур зыян сала. Бөек Ватан сугышы елларында илнең авыр хәлдә булуына карамастан, спорт тормышы туктамаган.1942 елдан тыш, ел саен чаңгы спорты буенча да Советлар Союзы беренчеле буенча ярышлар уздырылган. 1942 елдан башлап массакүләм ярышлар — профсоюз- Комсомол кросслары үткәрелә. Чаңгы спортыннан тыш башка ярышлар да үткәрелеп торган. Ярышлар программасына ул вакытта хәрбиләштерелгән ярышлар: патрульләр, сандружиначылар йөгерүе, ату, граната ыргыту һ.б. уеннар да кертелгән. Мондый ярышлар фронт өчен резервларны яхшырак әзерләүгә ярдәм иткән.
Текстны Халиулла Әхмәтшин исемендәге Елхвой авылы тарихы музее төзеде.
