Корпункт:
Апаста 3 майда Бөек Җиңүнең 73 еллыгына багышланган зур чараларда бәйрәм күрке булачак парад репетициясе уздырылды.
-Апас үзәгендәге Батырлар Мемориалы каршында 3 сәгатькә якын барган парад репетициясендә мәктәпләрнең “Юнармеец”, аграр көллиятнең “Форпост” отрядлары катнашты,-ди район хәрби комиссары Илшат Паймурзин.
Репетиция вакытында рәт-колонналар төзлеге, Җиңү байрагы, гаскәр төрләре, фронтларның штандарт-байраклары барланды, байракчылар билгеләнде. 9 майда үтәчәк районкүләм демонстрация, бәйрәм чараларына әзерлек дәвам итә.
