Минем дәү әтием - Вәлиев Зиннәтулла Вәли улы 1925 нче елның 14 июнендә Татарстан Республикасы Лаеш районы Кече Елга авылында туган. Бөек Ватан сугышына 1943 нче елның 10 нчы гыйнварында китә. Япь-яшь егетне Япон чигеннән ерак түгел Артиллерия училищесына, аны бетергәч Чиләбе танк училищесына җибәрәләр. Чиләбедә озак укырга туры килми, 1944 нче елның 4 июнендә Ак финнарга каршы сугышка керә. Себер елгасын кичкәндә Кызыл Йолдыз ордены белән бүләкләнә. (истәлекләр Дәү әтиемнең көндәлегеннән алынды) Дәү әнием белән 3 малай, 2 кыз тәрбияләп үстерәләр. Ашлык склады мөдире, Алма бакчасында җитәкче булып эшләдем дип сөйләгәннәре дә исемдә әле минем.
