Җиңү бәйрәме алдыннан Казан кооператив институтының Дәрдемәнд исемендәге Татар мәдәнияте үзәге җитәкчесе Флюра Абдуллина җитәкчелегендәге делегация Россия кооперация университеты ректоры, Татарстан Дәүләт Советы депутаты Алсу Нәбиеваның ярдәме белән Калининград өлкәсендә сәфәрдә булды.
Делегация составында хезмәт ветераны, Мөхлисә Бубый исемендәге медаль иясе Һаҗәр Бәширова, Әлки районы Нәби Дәүли исемендәге Базарлы Матак гимназиясе директоры, Сара Шакулова исемендәге медаль иясе Фәридә Яруллина, Лаеш районы Державин исемендәге күп профильле лицей укытучысы Гадел Бәдретдинов, Дәрдемәнд премиясе лауреатлары Таңсылу Ганиева, Муса Бәдретдинов бар иде.
Билгеле булганча, 1945 елның 19 февралендә Калининград өлкәсе Садовое авылы янәшәсендә Фатих Кәрим үзенең фронтташлары белән бергә немецларга каршы көрәшкән вакытта һәлак була. Көрәштәшләре аның каберенә «Биредә татар шагыйре Фатих Кәрим җирләнде» дип язу калдыра. Бүгенге көндә бу урынга зур таш һәм мемориаль такта куелган.
Тулырак: https://tatar-inform.tatar/news/mangelek-xater-kazan-delegaciyase-kalini...
