Корпункт:
Саба урман хуҗалыгы тарихы музее, Лесхоз утра мәктәбенең 2 нче һәм 4нче сыйныф укучылары белән берлектә “Бөек Җиңү” гә багышланган викторина уздырылды. Балалар белән, презентация ярдәмендә, бөек ватан сугышына кагылышлы иң мөһим һәм кирәкле вакыйгалар белән танышып уздылар. Аннары балалар, ике командага бүленеп, викторина сорауларына җавап яздылар. Ике команда да барлык сорауларга дөрес җавап бирделәр. Укучыларның, без сөйләгәннәрне игътибар белән тынлап, истә калдыруыннан, музей хезмәткәрләре бик канәгать калдык. Һәм ике команданы да дипломнар белән бүләкләп, истәлеккә фотога төштеләр.
