Шәһәр Советы депутаты Валентина Исакова өлкән яшьтәге менделеевлылар өчен “Менделеевские новости” газетасына язылуны рәсмиләштерде. Ул “Карповчы” ТИС рәисе Гөлсинә Заһретдинова белән бергә “Подписка бүләк ит” акциясенә кушылды.
Валентина Исакова район газетасын укырга яратуын һәм чын күңелдән проектта катнашырга карар итүен әйтте. Халыкара өлкәннәр көне алдыннан презент сыйфатында тыл ветераннары һәм сугыш чоры балалары Клавдия Осипова, Зөһрә Заһретдиновага подписка рәсмиләштерде.
Безнең укучылар газетада кайбер темаларны яктыртырга тәкъдим иттеләр. Басманың тематик юнәлеше турындагы үтенечне дә игътибарга алдылар: өлкән буын, кешеләр язмышы, авыл хуҗалыгы һәм авыл тормышы турында язарга онытмаска.
– Һәр номерда озын гомерлеләр турындагы язманы эзлим. Чөнки шәһәрлеләрнең язмышы һәм аларның озак яшәүләренең серен белү кызыклы, – дип уртаклашты Клавдия Васильевна Осипова.
