“Сәләт” балалар иҗат Үзәгендә Ленинград блокадасы батырларын искә алдылар

27 гыйнварда илебез Ленинград блокадасы өзелгән көнне искә ала. “Сәләт” балалар иҗат йорты каршында эшләп килүче “Сугышчан дан” музеенда бу аянычлы вакыйгага багышланган эчтәлекле чара узды.

Үзәкнең өстәмә белем бирү педагогы, тарихчы Гөлнур Насыйбуллина балаларга Ленинград камалышы вакыйгасы, батырлык күрсәтеп, һәлак булган райондашларыбыз турында сөйләде, күргәзмәләргә күзәтү ясады. Соңыннан балалар белән бергәләп әңгәмә корып, аларның сорауларына җавап бирде.