Корпункт:
11 апрель көнне Тутайда, Сара Садыкова музеенда истәлекле очрашу булып узды. Очрашуның олы кунагы - тыл ветераны Рахматуллин Фаик Хайруллович иде. Ул балаларга күргән кыенлыкларын, җилкәсенә төшкән авырлыклары турында искә төшереп сөйләде. Без күргәннәрне беркемгә дә күрергә язмасын дип теләкләрен җиткерде. Музей мөдире Гөлсия Тәлгать кызы 1-3 сыйныф укучылары өчен мавыктыргыч экскурсия үткәрде, Бөек Ватан сугышында Тутай авылы халкының керткән өлеше турында мәгълумат бирде.
