Корпункт:
Олы Бакырчы авылында гомер итүче Нурҗиһан әби Моталлапова 95 яшьлек олы гомер бәйрәмен билгеләп узды. Тормышны яратып, балалары, онык-оныкчыклары өчен бик тә кадерле булып яши ул. Барысына терәк-таяныч, киңәшче булып тора. Нурҗиһан әбигә Ил башлыгының Котлау хаты, район башлыгы исеменнән бүләк, чәчәкләр тапшырылды. Район башкарма комитеты җитәкчесе урынбасары Луиза Сафина, Олы Бакырчы авыл җирлеге башлыгы Фәрит Вәлиев аңа изге теләкләрен җиткерде.
