«Хәтер бакчасы» халыкара акциясе үтте

 Зиннәт Хәсәнов исемендәге Иске Кәшер урта мәктәбе укучылары, Җиңү көне алдыннан, территорияне төзекләндерү айлыгы кысаларында, «Хәтер бакчасы» халыкара акциясендә катнаштылар, балалар Бөек Ватан сугышы ветераннары истәлегенә 70төп нарат утырттылар. Үсентеләрне утыртуда Сарман муниципаль районы башлыгы Хөснуллин Ф. М. һәм авыл җирлеге башлыгы Дәүләтҗанов Р. Н. һәм Зиннәт Хәсәновның туганы Алмас абый Якупов катнаштылар.
«Хәтер бакчасы» халыкара акциясе «Җиңү волонтерлары» Бөтенроссия иҗтимагый хәрәкәте һәм Җиңү полководецларын искә алу фонды тарафыннан, Россия Табигать министрлыгы һәм Рослесхоз ярдәме белән, «Экология» милли проекты, шулай ук Бөтенроссия табигатьне саклау җәмгыяте тарафыннан оештырылды.