1 март көнне Ижевка авыл китапханәсендә «У войны не женское лицо» проекты кысаларында «Хатын-кызлар җилкәсенә нинди авырлыклар төште»дип исемләнгән очрашу-хатирә булып узды.
Чараның максаты - Бөек Ватан сугышында катнашкан батыр хатын– кызларның истәлеген саклау. Алар сугыш вакытында шәфкать туташлары, табиблар, разведчиклар, снайперлар, танкистлар булалар. Хатын-кызлар ир-атлар белән беррәттән үз Ватаннары өчен көрәштеләр. Чара нигезенә якташыбыз, Бөек Ватан сугышы ветераны Крымсаева Елена Андреевна турында, безнең авылда яшәүче Л. Н.Галкина тарафыннан җыелган эзләнү һәм тикшеренү материалы салынган иде. Егерме яшьлек кыз үзе теләп фронтка китә. 1943 елның июленнән Сиваш дивизиясенең 257 укчы дивизиясенең 321 аерым медик-санитар батальонында хезмәт итә. Кырым һөҗүм итү операциясендә, шул исәптән Сиваш күлен кичүдә катнашкан. Сугыш авырлыкларын үтеп, «Батырлык өчен»медале белән бүләкләнә. Л. Н.Галкинаның сугыш юлы турында бөтен хикәясе Елена Андреевнаның сугыш юлы турында видео - презентация, туганнары биргән фото-документаль материаллар белән үрелеп барды.
Хатын - кыз һәм сугыш...Катнашучының һәркайсы хатын-кыз җилкәсенә төшкән авырлыкларны тирән аңлады. Без Бөек Ватан сугышында катнашкан якташларыбыз турындагы истәлекләрне кадерләп сакларбыз. Әлеге чарага китапханәдә «Сугышның хатын-кыз йөзе түгел»дип исемләнгән фотостенд һәм китап күргәзмәсе оештырылды.
