Георгий тасмасы апаслылар түшендә урын ала

Районда “Георгий тасмасы“ акциясе дәвам итә.

“Сәләт“ балалар иҗат үзәге хезмәткәрләре һәм биредә шөгыльләнүче балалар да урамнарга чыгып тасма тараттылар. 
"Георгий тасмасы" дөньяны фашизмнан саклап калу өчен һаләк булганнар истәлегенә дан, ветераннарга карата хөрмәт билгесе, Бөек Җиңүнең горурлыгы һәм фронтка барлык көчләрен биргән кешеләргә рәхмәт хисләрен аңлата. Бу хакта “Сәләт“ балалар иҗат үзәге җитәкчесе Альбина Хатыйпова хәбәр итте. 
 
“Акция кысаларында тасмага ия булган һәр кеше аны ничек дөрес итеп беркетергә кирәклеген дә белә ала. Райондашлар түшендә тасмалар урын алды. Аны кулга бәйләү рөхсәт ителми“, – диде Альбина Хатыйпова.