Дәүләкидә яшәүче Рауза әби Булатова Ил башлыгының Котлау хатын алды

Дәүләкидә гомер итүче Рауза әби Булатова 95 яшьлек гомер бәйрәмен каршылады. Аңа әлеге уңайдан Ил башлыгының Котлау хаты, район башлыгының Котлау открыткасы, бүләге һәм чәчәк бәйләме тапшырылды.

Район башкарма комитеты җитәкчесе урынбасары Луиза Сафина, Биеш авыл җирлеге башлыгы Рамил Вәлиев иң изге теләкләрен җиткерде. 
Рауза әби тормыш юлында күп авырлыклар күргән, авыр хезмәт белән сыналган. Шулай да, көр күңелле булып кала белгән. Бүген изге догаларын укып, балалары янәшәсендә кадер-хөрмәттә яши.