Чирмешәндә яшәүче Наҗия апа Гәрәева Ил башлыгы Котлавын алды

Бу уңайдан Наҗия апага район социаль яклау идарәсе җитәкчесе Гөлчәчәк Мәүлетова Ил башлыгының Котлау хатын тапшырып, изге теләкләрен юллады. Район башкарма комитеты җитәкчесе урынбасары Луиза Сафина Наҗия апаны ихлас тәбрикләп, район башлыгының махсус Котлау открыткасын ирештерде. Чирмешән авылы җирлеге башлыгы Айрат Зиннәтуллин ак әбигә саулык-сәламәтлек, имин көннәр юллап, яз чәчәкләре һәм истәлекле бүләк тапшырды. 
Наҗия апа Чирмешән авылының хөрмәтле кешеләренең берсе. 40 ел буе ул авыл мәктәбендә балаларга немец телен укыта. 4 бала гомер бүләк итеп, олы тормышка аяк бастыручы кадерле әни ул. Бүгенгесе көндә дә өч кызы тәрбиясендә гомер кичерә.