Корпункт:
“Татарстанның музей язы – 2017” акциясе кысаларында Кукмара төбәкне өйрәнү музеенда “Мин – Россия гражданы. Мин - Татарстан баласы!” дигән тантаналы чара үтте. Районыбызның дүрт укучысы: Айгөл Гыйльфиева, Аделина Мөхәмәтгалиева, Дарина Юркеева, Азат Төхбәтуллинларга иң төп документ - паспортларны район Советының Аппарат җитәкчесе Резидә Гаянова тапшырды. Бөек Ватан сугышы ветераны Салихова Хатирә апа, район ЗАГС бүлеге җитәкчесе Зөлфия Латыйпова, район эчке эшләр бүлегенең миграция мәсьәләләре буенча бүлекчәсе инспекторы Асия Фәтхуллина, музей директоры Ләбүдә Дәүләтшиналар да егет-кызларга үзләренең котлауларын ирештерделәр.
