1 нче урта мәктәптә Ленинград блокадасын өзүгә 75 ел тулуга багышланган чаралар уза. Шәһәр китапханәсе хезмәткәрләре өлкән сыйныф укучылары өчен «Блокададан репортаж» дип исемләнгән китапханә сәгате әзерләделәр һәм үткәрделәр. Чараларда мәктәпнең Яшь армиячеләре актив катнашты. 26 гыйнварда Яшь армиячеләр блокадада катнашучы, мәктәп укытучысы, Советлар Союзы Герое Белоусова Лидия Николаевнаның каберенә чәчәкләр салдылар. Башлангыч сыйныф укучылары өчен Яшь армиячеләр әлеге куркыныч вакыйгаларга багышланган презентация әзерләделәр. Балалар Ленинград блокадасы, совет халкының батырлыгы турында сөйләделәр. Шулай ук бу көннәрдә Ленинградта булган балаларга да зур игътибар бирелде. Тарих дәресләрендә укытучылар әлеге истәлекле датага багышланган документаль һәм нәфис фильмнар күрсәттеләр.
