«Батырлыкка 30 ел, хәтерләргә 30 ел» республика конкурсы һәм Совет гаскәрләрен Әфганстаннан чыгаруга 30 ел тулу уңаеннан балалар китапханәсе «Батырлык урыны – Әфганстан» дигән темага 1,4 нче мәктәп , 1нче гимназиянең җиденче сыйныф укучылары өчен очрашу кичәсе үткәрде.
Бу очрашуга интернационалистлар Поспелов Сергей Александрович, Камашев Сергей Михайлович, Анисимов Павел Васильевич, Зырянов Сергей Евдокимович, Орлов Валерий Вениаминович чакырылган иде. Мәдәният идарәсе начальнигы Шиһапова Е. В. сугышчы-интернационалистларга рәхмәт сүзләр җиткерде. ТР Менделеевск районы хәрби комиссары, Әфганстанда сугышчан хәрәкәтләрдә катнашкан Залуженко С. В. балалар алдында чыгыш ясады. Ул барлык катнашучыларга да тыныч күк йөзе теләде. Чөнки ул сугыш турында ишетеп кенә белми. Укучыларны кызыксындырган саннардан һәм кадрлардан соң, укучылар әфганчыларның чыгышларын бик теләп тыңладылар һәм үзләрен кызыксындырган сорауларын бирделәр. Кунаклар үзләре, тормыш юллары, хәрби хәрәкәтләрдә катнашулары турында сөйләделәр. Әфганстанга алар төрле елларда эләккән һәм төрле частьләрдә хезмәт иткән булсалар да истәлекләре бер берсенә охшаш. Очрашуда катнашучылар Әфганстанда һәлак булганнарны бер минут тынлык белән искә алдылар. Очрашу тәмамланганда яшь армиячеләр ветераннарга чәчәкләр тапшырдылар һәм истәлеккә фотога төштеләр.
