«Батырлык һәм иҗат үрнәге»

Җәлил поселок китапханәсе «Батырлык һәм иҗат үрнәге» дип исемләнгән Муса Җәлилнең 114 еллыгына багышланган әдәби-музыкаль кичәне оештыру һәм үткәрүдә катнашты. Кичәдә «Җәлилнефть» идарәсенең профком рәисе Владимир Филимонов, нефтьче ветераннар Фавиз Галимуллин, Мөнәвәрә Калимуллиналар, «Җәлил чаткылыры» әдәби-иҗат берләшмәсе членнары катнашты. Кичә барышында балалар бакчаларында тәрбияләнүчеләр һәм мәктәп укучылары арасында оештырылган Җәлил шигырьләрен укучылар конкурсына йомгак ясалды, җиңүчеләр билгеләнде, аларга дипломнар һәм истәлекле бүләкләр тапшырылды. Китапханәчеләр «Муса Җәлил – батырлык һәм иҗат үрнәге» исемле китап күргәзмәсе, «Приезд потомков М.Джалиля в поселок Джалиль», «Якташыбыз Зиннәт Хәсәнов – Муса Җәлилнең көрәштәше» презентацияләрен әзерләде. Шулай ук «Син Муса Җәлилнең тормыш юлын һәм иҗатын беләсеңме?» дигән викторина уздырды. Дөрес җавап өчен укучыларга «Рухият» рухи яңарыш фонды нәшер иткән китаплар тапшырылды.