Корпункт:
Еллар үткән саен ветераннарыбыз сафлары сирәгәя, арабыздан киткәннәрнең бары Хәтер булып фотолары, документлары, истәлекләре кала. Сарман районында яшәгән 15 ветеранның тагын берсе бакыйлыкка күчте. 1925 нче елның 12 сентябрендә Сарман районы Минзәләбаш авылында дөньяга килгән Рахматуллин Нух Рахматуллович арабыздан китте.
Нух абзый сугышка Сарман районы хәрби комиссариаты чакыруы буенча 1944 елның апрель аенда алына.Кореллия юнәлешендә сугышларда катнаша. 2нче дәрәҗә Бөек Ватан сугышы ордены, “За Победу над Германией”, “Георгий Жуков” медальләре белән бүләкләнә.
Әле күптән түгел генә Сарманга Җиңү бәйрәменә килгән Нух абзый инде юк. Ләкин аның исеме районыбыз тарихында мәңге сакланыр.
