Корпункт:
Гөлҗиһан әби яшьлегендә тормышның авырлыкларын күп күргән.
Төрле авыр хезмәтләр башкарган. Урман кисү, җир казу кебек хезмәтләр аны да читләтеп узмаган. Ул озак еллар район үзәк хастаханәсендә кассир булып эшләгән. Якыннары, туганнары аның хакында хөрмәт белән сөйли. Чиста, пөхтә, изге күңелле, ярдәмчел ул.
Соңгы елларда Гөлҗиһан әби зур югалтулар, бала хәсрәтләре кичергән. Үзенең дә сәламәтлеге нык какшаган. Бүген ул Каратунда улы Ринат, килене Фәһимә тәрбиясендә, кайгырту тоеп яши.
