Корпункт:
Ватанны саклаучылар көне уңаеннан районда хәтер чарасы узды. Хезмәт коллективлары Батырлар мемориалына веноклар куйды. Әлеге мемориал 2010 елда Бөек Җинүнең 65 еллыгына яңартылган иде. 30х5 метрдагы мәрмәр плитәдә 11146 Бөек ватан сугышында Апас районыннан катнашучыларның исемнәре чукып язылган. Алар белән беррәттән 7002 сугышта вафат булганнарның исемлеге дә урын алган. Тантанада район башлыгы Рәшид Заһидуллин, район хәрби комиссары Илшат Паймурзин һәм башка җитәкче-белгечләр катнашты.
“Хәрби бурычын үтәгәндә вафат булган райондашларыбызны онытырга хакыбыз юк. Алар безнең йөрәкләрдә” , - диде район башлыгы.
