Апаста яшәүче, Түбән Барышның әкъәбисе Мәрзия Габдрахманова 95 яшьлек олы гомер бәрәмен каршылады
Аңа Ил башлыгының Котлау хаты, район башлыгының Котлау открыткасы, чәчәк бәйләме, бүләк тапшырылды. Район башкара комитеты җитәкчесе урынбасары Луиза Сафина, Зур Күккүз авыл җирлеге башлыгы Рузия Низамова Мәрзия әбигә иң изге теләкләрен җиткерделәр.
Мәрзия әби яшьлегендә күп авырлыклар күргән. Юл салу, урман кисү эшләрендә катнашкан. Аннан трактор руле артына утырган. Эшкә батыр, кыю, булдыклы, җитез хезмәткәр булган ул. Тормыш авырлыкларыннан куркып калмыйча, ире Гаделхәй белән 8 бала тәрбияләгәннәр. 5 ул һәм 3 кызлары да әти-әни үрнәгендә үскән.
Мәрзия апа бүген дә җитез, яшь күңелле һәм тынгысыз, җор телле әле. Тәрәз төбен тутырып, матур-матур гөлләр үстерә, башмаклар, оекбашлар бәйли, тәмле ашлар пешерә. Өен дә җыештырып куя. Намазын калдырмый, изге догаларын укый. Апас һәм Түбән Барыш арасы да аның өчен бик якын. Авыл тормышы белән янып яши. Салават Кәримов урамында да тәртип салып, күзәтеп тора. Балалары, оныклары өчен ул киңәшче, терәк.
